Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BAÁ-men yntymaqtastyq elektr energetıkasyna ınvestıtsııa tartýǵa yqpal etedi - depýtat

2021 jyldyń 27 qazan 2021 16:47

NUR-SULTAN. QazAqparat – QR Parlamentiniń depýtaty Dúısenbaı Turǵanov Birikken Arab Ámirlikterimen ınvestıtsııalyq yntymaqtastyqty damytýǵa qatysty pikir bildirdi, dep habarlaıdy QazAqparat.

Depýtat elektr energetıkasy ınvestıtsııalyq yntymaqtastyqtyń negizgi baǵyttarynyń biri bolyp sanalatyn Birikken Arab Ámirlikterimen úkimetaralyq kelisim Qazaqstan úshin úlken basymdyqtardy qamtıtynyn atap ótti.

Onyń aıtýynsha, búgingi tańda eldiń pandemııadan keıingi damýy jaǵdaıynda elektr energetıkasy sııaqty strategııalyq salalarǵa ınvestıtsııalar tartý - bul tutastaı alǵanda, Qazaqstannyń ınvestıtsııalyq klımatyna, otandyq kásipkerlikti damytýǵa jáne ulttyq ekonomıkanyń negizgi salalaryna ozyq álemdik tehnologııalardy tartýǵa oń áser etetini sózsiz.

«Qazir elimiz jańa Ekologııalyq kodekske sáıkes eń ozyq qoljetimdi tehnologııalarǵa kóshedi. Sondyqtan kelisim aıasynda strategııalyq jobalardy iske asyrýdy qamtıtyn múmkindikter elimizge «jasyl» ekonomıkany belsendi damytýǵa, qorshaǵan ortaǵa teris áser etýmen kúresýge múmkindik beredi», - dedi Dúısenbaı Turǵanov.

Depýtat atap ótkendeı, munyń bári jańartylatyn energııa kózderi úlesiniń artýyna, jalpy alǵanda elektr energetıkasynyń tehnologııalyq deńgeıiniń ulǵaıýyna yqpal etetin bolady.


Joǵary qaraı