Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BAÁ-men kelisim jańa jumys oryndaryn qurýǵa yqpal etedi - Jambyl Ahmetbekov

2021 jyldyń 27 qazan 2021 16:58

NUR-SULTAN. QazAqparat - Májilis depýtaty Jambyl Ahmetbekov Birikken Arab Ámirlikterimen ınvestıtsııalyq yntymaqtastyqty damytý bizdiń elimizge tıimdi ekenin aıtty, dep habarlaıdy QazAqparat.

Onyń paıymynsha, bul baǵyttaǵy qadamdar jańa kásiporyndardyń ashylýyna, ozyq tehnologııalardy engizýge jáne jańa jumys oryndaryn qurýǵa yqpal etpek.

Depýtattyń sózine qaraǵanda, ınvestıtsııalar shıkizat salalaryna salynbaıdy. Atap aıtqanda, elimizde jańartylatyn energetıkany damytýmen aınalysatyn energetıkalyq holdıng qurý kózdelip otyr.

J. Ahmetbekov atap ótkendeı, búkil álemde «jasyl ótkel» dep atalatyn jáne ekologııanyń jaı-kúıine alańdaıtyn elder jańartylatyn otyn úshin kómirsýtekterden bas tartýda. Kún, jel elektr stantsııalarynyń kóbeıýi bizdiń eldiń básekelestik artyqshylyǵy bola alady.

«Jalpy, bul ınvestıtsııalyq kelisim otandyq bıznesti damytý úshin jaǵdaıdy aıtarlyqtaı jaqsartady jáne Qazaqstannyń ınvestıtsııalyq tartymdylyǵyn arttyrady dep aıtýǵa bolady», - dedi depýtat.

Aıta keteıik, QR Ekologııa, geologııa jáne tabıǵı resýrstar mınıstri Serikqalı Brekeshev energetıka salasyna jańa ınvestıtsııalar qajet ekenin aıtty.



Joǵary qaraı