Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Azyq-túlik kelisimshart korporatsııasynyń bıdaıdy qandaı baǵada satyp alatyny aıqyndaldy

2020 jyldyń 22 qyrkúıek 2020 10:12

NUR-SULTAN. QazAqparat –QR Aýyl sharýashylyǵy mınıstri Saparhan Omarov bıyl astyq satyp alý baǵasy týraly túsindirdi, dep habarlaıdy QazAqparat tilshisi.

«Bıyl aýyl sharýashylyǵy óndirýshileriniń kóptegen ótinishteri boıynsha Azyq-túlik kelisimshart korporatsııasy aýyl sharýashylyǵy ónimderin forvardtyq satyp alýdy júzege asyrdy, ony ótkizý úshin respýblıkalyq bıýdjetten 24,5 mlrd teńge bólindi», - dedi mınıstr Úkimet otyrysynda.

Onyń aıtýynsha, aýyl sharýashylyǵy óndirýshileriniń kepilmen qamtamasyz etýge qatysty qıyndyqtaryn eskere otyryp, forvardtyq satyp alý áleýmettik-kásipkerlik korporatsııalardyń kepildigimen júzege asyryldy.

516 myń tonna aýyl sharýashylyǵy ónimin satyp alýǵa kelisimshart jasaldy.

«Naryqtaǵy qalyptasqan jaǵdaıdy eskere otyryp, «Azyq -túlik kelisimshart korporatsııasy» AQ bıdaıdy satyp alý baǵalaryn sapasyna qaraı 83-87 myń teńge dálizinde, 4-synypty bıdaıǵa - 78 myń teńge, 2-synypty arpaǵa - 50 myń teńge deńgeıinde belgileýdi usynady», - dedi S. Omarov.

Onyń sózine qaraǵanda, forvardtyq mámileler boıynsha kúnbaǵys pen qaraqumyqtyń satyp alý baǵalary osy daqyldardy jınaý aıaqtalǵan soń belgilenetin bolady.

«Bul rette satyp alý baǵasyn belgileý kezinde otandyq aýyl sharýashylyǵy óndirýshilerin qoldaýdan basqa ishki naryqtaǵy turaqtylyqty qamtamasyz etý máselesi de eskerildi», - dedi vedomstvo basshysy.

Budan buryn habarlanǵandaı, Úkimet otyrysynda Premer-Mınıstr Asqar Mamın astyqty satyp alý men tasymaldaýǵa qatysty birqatar tapsyrma berdi.



Joǵary qaraı