Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Azyq-túlik ınflıatsııasy sál tómendedi

2021 jyldyń 18 qarasha 2021 11:18

NUR-SULTAN. QazAqparat – Elimizde azyq-túlik ınflıatsııasy sál tómendedi. Bul týraly Senattyń jalpy otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Azyq-túlik baǵasynyń ósýi negizgi proınflıatsııalyq faktor boldy. Ol jalpy ınflıatsııadaǵy úlestiń jartysyn ıelenedi. Azyq-túlik ınflıatsııasy ýaqytsha jáne barynsha ornyqty faktorlardyń áserinen sońǵy 5 aıda alǵashqy ret baıaýlap bıylǵy qazanda 11,5-ten 11,3 paıyzǵa deıin tómendedi. Bıylǵy shilde-tamyzda uzaq saqtalatyn kókónister baǵasynyń jaz aılaryna tán emes jáne sońǵy jyldardaǵy rekordtyq ósýi tirkeldi», - dedi «2022-2024 jyldarǵa arnalǵan respýblıkalyq bıýdjet týraly» baıandaǵan Erbolat Dosaev.

Ulttyq bank dereginshe, et, ósimdik maıy jáne qant baǵasynyń ósýi ınflıatsııany jedeldetýdiń turaqty faktory bolyp qalýda.

Muny ósim deńgeıi boıynsha álemdik trendtermen salystyrýǵa bolady.

FAO derekterine sáıkes bir jylda ettiń álemdik baǵasy orta eseppen - 22,1, ósimdik maıynyń baǵasy – 73,6, qanttyń baǵasy – 40,6 paıyzǵa ósti.

«Qazaqstanda azyq-túlikke jatpaıtyn ınflıatsııa, birinshi kezekte, tutynýshylyq belsendiliktiń qalpyna kelýi aıasynda janar-jaǵar maı jáne uzaq paıdalanylatyn taýarlar baǵasynyń ósýi nátıjesinde jyldamdady. Aqyly qyzmetter ınflıatsııasy negizinen elektr energııasy, turǵyn úıdi jaldaý jáne kólik qyzmetteri baǵasynyń ósýi esebinen jyldamdady»,- dedi ol.


Joǵary qaraı