Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Azııa qalalary sheteldik týrıster úshin eń qymbat 10 shahardyń qatarynda

2021 jyldyń 23 maýsym 2021 13:01

SINGAPÝR. QazAqparat - Mercer halyqaralyq konsaltıng kompanııasy syrttan keletin sheteldik mamandar úshin eń qymbat qalalar týraly jylsaıynǵy esebin daıyndady. Bıyl syrttan keletin sheteldik mamandar úshin álemniń eń qymbat qalalary reıtınginde Túrikmenstan astanasy Ashhabad qalasy kósh bastap tur. Tizimniń tórtinshi ornynda Tokıo qalasy, al altynshy ornynda – Shanhaı qalasy ornalasqan, dep habarlaıdy QazAqparat Human Resources Online resýrsyna silteme jasap.

Mercer halyqaralyq konsaltıng kompanııasynyń jyl saıynǵy reıtıngine búkil álem boıynsha 400-den astam qala kirip otyr.

Reıtıngti jasaý úshin qalalardaǵy 200-den astam taýar ataýy, sonyń ishinde baspana, kólik, azyq-túlik, kıim-keshek, úıge jáne oıyn-saýyqqa arnalǵan taýarlar baǵasy esepke alynady.

Zertteý nátıjesi syrttan keletin sheteldik mamandar úshin eń qymbat 10 qalanyń jartysynan kóbi Azııada ornalasqanyn kórsetti.

Sonymen, 2021 jyly álemdegi eń qymbat 10 qalanyń tizimine kirgender:

Ashhabad, Túrikmenstan;

Gonkong, Qytaı;

Beırýt, Lıvan;

Tokıo, Japonııa;

Tsıýrıh, Shveıtsarııa;

Shanhaı, Qytaı;

Sıngapýr;

Jeneva, Shveıtsarııa;

Beıjiń, Kytaı;

Bern, Shveıtsarııa;

Shanhaı men Beıjiń qalalary tıisinshe altynshy jáne toǵyzynshy oryn alyp, byltyrǵy jylmen salystyrǵanda bir saty joǵary kóterilgen.

Sıngapýr besinshi orynnan jetinshige tómen tústi. Valıýta baǵamynyń aýytqýy men deflıatsııa saldarynan Bangkok 11 satyǵa (46-shy oryn) jáne Kýala-Lýmpýr 8 catyǵa (144-shi oryn) sııaqty kórshiles qalalar da reıtıngte tómen túsken.

Osy arada, Manıla tizimde 78-shi orynda, Djakarta – 104-shi orynda, al Hoshımın - 143-shi orynda ornalasqan.

Buǵan deıin úsh jyl qatarynan tizimniń birinshi ornynda turǵan Gonkong qalasy bul joly qazirgi kezde Azııa jáne búkil álemde syrttan keletin sheteldik týrıster úshin eń qymbat qala sanalatyn Ashhabadqa oryn berdi.

BBC agenttiginiń AFP-qa silteme jasap habarlaýynsha, buǵan Ashhabadta «eldegi joǵary ınflıatsııa» sebep bolǵan.

Álemde syrttan keletin sheteldik týrıster úshin eń qymbat qalalar «ondyǵyna» kirgen eýropalyq elder arasynda negizinen Shveıtsarııa qalalary bar: Tsıýrıh (5-shi oryn), Jeneva (8-shi oryn) jáne Bern (10-shy oryn).

AQSh-ta eń qymbat qala sanalatyn Nıý-Iork 14-orynǵa jaıǵasqan. Odan keıin tizimde Los-Andjeles (20-shi oryn) jáne San-Frantsısko (25-shi oryn) tur.


Basty sózder: Týrızm, Álem,
Joǵary qaraı