Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ajar Ǵınııat pandemııamen kúreske qansha qarajat jumsalǵanyn aıtty

2022 jyldyń 18 mamyr 2022 14:40

NUR-SULTAN. QazAqparat – Úsh jylda koronvırýspen kúreske 894 mlrd teńge jumsaldy. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«2020 jyly pandemııamen kúreske bdjetten 252 mlrd teńge jumsaldy. Onyń 28 mlrd teńgesi dári-dármek, qorǵanysh quraldaryn, medıtsınalyq tehnıkalar satyp alýǵa ketti. 197 mlrd teńgesi dárigerlerdiń jalaqysyna ústemaqyǵa, túrli mamandardyń, ásirese, SES-te jumys isteıtin mamandardyń is-sapar shyǵyndaryna tólendi. 20 mlrd teńge halyqqa kórsetiletin medıtsınalyq kómek aqysyna Medıtsınalyq saqtandyrý qory arqyly shyǵyndaldy. Onyń ishinde 5 mlrd teńge Dúnıejúzilik bankke jasandy tynys alý apparattary úshin berildi», - dedi Ajar Ǵınııat Ortalyq kommýnıkatsııalar qyzmetinde ótken baspasóz máslıhatynda BAQ ókilderiniń saýalyna oraı.

Mınıstrdiń dereginshe, 2021 jyly pandemııamen kúreske 556 mlrd teńge ketti.

«Óıtkeni, jyl boıy koronavırýs ınfektsııasymen kúrestik. Úsh tolqyny boldy. 97 mlrd teńge vaktsına, shprıts alýǵa, ártúrli zerthanalyq zertteýlerge jumsaldy. 413 mlrd teńge medıtsına qyzmetkerlerine eńbekaqy, ústemeaqy tóleýge, is-sapar shyǵyndaryn óteýge ketti. 40 mlrd teńge emdeý qyzmetine qordan árbir aýrýhanaǵa tólendi. Bıyl 86 mlrd teńge qaralyp otyr. Onyń 9 mlrd-yna jyl basynda QazVac pen Vero Cell vaktsınalaryn alǵan edik. 20 mlrd-y byltyr alǵan Pfizer aqshasyn tóledik», - dedi ol.


Joǵary qaraı