Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ázerbaıjannyń úkimet basshysy Álıhan Smaıylovty eline shaqyrdy

2022 jyldyń 13 qańtar 2022 18:15

NUR-SULTAN. QazAqparat - Qazaqstan Respýblıkasynyń Premer-Mınıstri Álıhan Smaıylov Ázerbaıjan Respýblıkasynyń Premer-Mınıstri Alı Idaıat ogly Asadovpen telefon arqyly sóılesti, dep habarlaıdy primeminister.kz.

Ázerbaıjan Respýblıkasynyń Premer-Mınıstri A. Asadov Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtady. A. Asadov destrýktıvti kúshterdiń agressııasy saldarynan qaza tapqandardyń otbasylaryna qaıǵyryp kóńil aıtty, sondaı-aq elimiz úshin osy qıyn sátte Qazaqstan halqyna degen qoldaýyn bildirdi.

«Ázerbaıjan – Qazaqstannyń senimdi strategııalyq seriktesi. Bizdiń elderimiz arasynda syndarly saıası dıalog jáne ekijaqty qarym-qatynastardyń keń salasy boıynsha jemisti ózara is-qımyl jolǵa qoıylǵan. Biz ózara tıimdi saýda-ekonomıkalyq baılanystardy keńeıtýge jáne tereńdetýge nıettimiz», – dedi Á. Smaıylov. AR Premer-Mınıstri A. Asadov QR Premer-Mınıstri A. Smaıylovty ózine qolaıly ýaqytta Ázerbaıjanǵa kelýge shaqyrdy.

Ázerbaıjan – Qazaqstannyń mańyzdy saýda-ekonomıkalyq seriktesi. 2021 jyldyń 10 aıynyń qorytyndysy boıynsha ózara saýda kólemi $261 mln qurady, bul 2020 jyldyń sáıkes kezeńindegi kórsetkishten úsh ese kóp jáne 2019 jylǵy pandemııaǵa deıingi deńgeıden edáýir artyq.

Bıyl Qazaqstan men Ázerbaıjan arasyndaǵy dıplomatııalyq qarym-qatynastyń ornaǵanyna 30 jyl tolady.


Joǵary qaraı