Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ázerbaıjan Qazaqstandaǵy membasqarý júıesin jańǵyrtý tájirıbesin zerdelep jatyr – depýtat

2021 jyldyń 21 qyrkúıek 2021 14:20

BAKÝ. QazAqparat – Ázerbaıjan Mıllı Medjlısiniń depýtaty, Ázerbaıjan Prezıdenti janyndaǵy basqarý akademııasy Saıası zertteýler ınstıtýtynyń dırektory, saıasattaný ǵylymdarynyń doktory, professor Elman Nasırov QR Prezıdenti Qasym-Jomart Toqaevtyń Joldaýy týraly óz pikirin bildirdi, dep habarlaıdy QazAqparat menshikti tilshisi.

Depýtattyń aıtýynsha, QR Prezıdentiniń bıylǵy Joldaýynda Memleket basshysynyń is-áreketiniń qısyny men dáıektiligi anyq baıqalady. Bul Elbasy saıasatynyń sabaqtastyǵyna da, Prezıdent Qasym-Jomart Toqaevtyń jeke strategııalyq jáne taktıkalyq áreketterine de qatysty. Ázerbaıjandy Memleket basshysynyń pandemııadan keıingi kezeńde eldi odan ári damytýǵa, densaýlyq saqtaý, bilim berý júıesiniń tıimdiligin arttyrýǵa, aımaqtyq saıasatty jetildirýge, saıası jańǵyrtýǵa, adam quqyqtaryn qorǵaýǵa jáne taǵy basqalarǵa baǵyttalǵan bastamalary qyzyqtyrady.

«Biz Qazaqstan Prezıdentiniń pikirin qoldaımyz, óıtkeni qazirgi álem jahandaný kezeńin bastan keshýde. Qazirgi ýaqytta, Qasym-Jomart Toqaev atap ótkendeı, «árbir azamat Táýelsizdiktiń jemisin kórip, eń bastysy - beıbit ómirdi bastan keshirýi tıis...», - dep atap ótti E.Nasırov.
Parlament múshesi Joldaýda ekonomıkalyq damýdyń naqty perspektıvalary anyqtalǵan dep esepteıdi. QR basshysy Qasym-Jomart Toqaev strategııalyq maqsatty - Ortalyq Azııadaǵy jetekshi róldi kúsheıtip, Qazaqstannyń álemdik ekonomıkadaǵy ustanymyn nyǵaıtýdy atap ótti.
«Ekonomıka bir ornynda toqtap turǵan joq. Naryqqa boljaı almaıtyn túrli faktorlar yqpal etýi múmkin. Mysaly, pandemııa. Mundaıda ekonomısterdiń róli orasan zor. Bul máselelerdi sheshýde ǵylymı tásildi de qarastyrǵan durys», - dedi ol.
Depýtattyń aıtýynsha, Qasym-Jomart Toqaev aýyz sý, transporttyq ınfraqurylym, memlekettik satyp alý, Ulttyq qordy paıdalaný máselelerine basa nazar aýdarǵan.
«Qazaqstan Prezıdentiniń Bıylǵy Joldaýyn qujat retinde ǵana emes, Úkimettiń jumysyn jobalaý, josparlaý quraly retinde qaraýǵa bolady», - dep bólisti spıker. Ázerbaıjagdyq depýtattyń pikirinshe, basty qaǵıdasy – memlekettik apparat azamattardyń múddesine jumys isteý bolyp sanalatyn «Halyq únine qulaq asatyn memleket» tujyrymynyń ózektiligin anyqtaıtyn saıası modernızatsııa boıynsha usynystar da qyzyqty.
«Zamanaýı álemde básekege qabilettiliktiń basty faktory – tsıfrlandyrý. Qazirgi zamanǵy tehnologııalar transferti, ındýstrııa elementterin engizý Qazaqstan úshin ǵana emes, búkil postkeńestik keńistiktegi elderge, sonyń ishinde Ázerbaıjanǵa da mańyzdy», - dep túıindedi E.Nasırov.


Basty sózder: Ázerbaıjan, Túrki elderi,
Joǵary qaraı