Aýa raıy
Astana -15 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Ázerbaıjan halqyna Qarabaqtaǵy mınadan tazartylmaǵan jerlerge barý qaýipti ekeni eskertildi

2020 jyldyń 29 qarasha 2020 10:36

BAKÝ. ÁZERTADJ - QazAqparat - Ázerbaıjan bas prokýratýrasy men eldiń ishki ister mınıstrligi birlesken málimdeme jasady. Olar Taýly Qarabaq aımaǵy jarylǵysh zattan tolyq tazartylyp, ruqsat berilgenge deıin ol jaqqa barýǵa bolmaıtynyn eskertedi, dep habarlaıdy QazAqparat ÁZERTADJ aqparat agenttigine silteme jasap.

Birlesken málimdemede aıtylǵandaı, uzaq jyldardan beri atamekenin kórmegen ázerbaıjandyqtardyń sezimin túsinýge bolady. Alaıda keı azamattar jasalǵan eskertýge qaramastan jaýdan bosatylǵan jerge óz betinshe baryp jatyr.

28 qarashada 4 azamat Fızýlı aýdanyna qarasty Gorgan jáne Ashaǵy aýyldarynyń arasynda mınalanǵan jer bar degen eskertýge qulaq aspaı, 90-BL-558 nómirli Toyota Land Cruizer kóligimen saparyn ári qaraı jalǵastyra bergen.

Saldarynan tankke qarsy qoıylǵan mına jarylyp, tórteýi de qaza tapty.

Osyǵan baılanysty eldiń ishki ister mınıstrligi men bas prokýratýra halyqqa taǵy da eskertý jasady. Jaýdan bosatylǵan aýmaqqa arnaıy ruqsatsyz barýǵa bolmaıdy.

Ol aımaqtar mına jáne basqa da jarylǵysh zattan tolyq tazartylǵan kezde ǵana ruqsat beriledi.


Perevod Janat Qapalbaeva
Basty sózder: Ázerbaıjan, Oqıǵa,
Joǵary qaraı