Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Azamattyq bastamalardy qoldaý ortalyǵynyń tóraǵasy Brıjıt Bardo qorynyń ókilderimen kezdesti

2021 jyldyń 18 qazan 2021 19:12

NUR-SULTAN. QazAqparat - Sheteldik jáne halyqaralyq uıymdarmen baılanys ornatý jónindegi jumys sheńberinde, olardy azamattyq qoǵamdy damytý tartý úshin Azamattyq bastamalardy qoldaý ortalyǵynyń tóraǵasy Brıjıt Bardo qorynyń ókili Brıdjıt Olýamen kezdesti, dep habarlaıdy QazAqparat.

Sharaǵa qatar jan-janýarlardy qorǵaý jónindegi jergilikti úkimettik emes uıymdar da qatysty.

Brıdjıt Olýa saparynyń basty maqsaty – usynylatyn áleýmettik qyzmetterdi jetildirý úshin jan-janýarlardy qorǵaý jónindegi úkimettik emes uıymdar men halyqaralyq uıymdardyń baılanysyn jolǵa qoıýýǵa septesý.

Onyń aıtýynsha, Qazaqstan búgingi tańda jan-janýarlardyń quqyǵyn qorǵaýda qarym-qatynasty ózgertýge daıyn. Brıjıt Bardo qorynyń ókili sonymen qatar Azamattyq bastamalardy qoldaý ortalyǵynyń qyzmeti jan-janýarlardy qorǵaýǵa baǵyttalǵan grant alýshylarynyń jumysyna oń baǵa berdi.

«Brıjıt Bardo qoryna jan-janýarlarǵa, ásirese ıtter men mysyqtarǵa qatysty qatigezdik jasalatyny jóninde Qazaqstannan kóp suraý túsetindikten, pandemııaǵa deıin biz Prezıdentke tıisti shara qabyldaý jóninde ótinish joldaǵan edik. Qasym-Jomart Toqaev bizdiń hatqa jaýap berip, qor jumysynyń mańyzdylyǵyn atap ótti. Ol Qazaqstanda jan-janýarlarǵa degen qarym-qatynas ózgerýi kerektigine tolyq kelisetinin bildirdi», - dep atap ótti ol.




Brıdjıt Olýanyń aıtýynsha, bul baǵyttaǵy jumys bastalyp ketken

«Qazaqstanda bizdiń qor Semeıde veterınarlardy oqytý boıynsha baǵdarlamany iske asyryp jatyr. Búkil Qazaqstannyń veterınarlary sterılızatsııany oqý úshin Semeıge keledi, atalmysh baǵdarlamany bizdiń qor qarjylandyrylady», - dedi ol.

Brıdjıt Olýa Aqparat jáne qoǵamdyq damý mınıstrliginiń granttaryn iske asyrý sheńberinde volonterlerdiń qyzmetimen tanysqanyn aıty. «Volonterlermen alynǵan granttar sheńberinde óte jaqsy ári aýqymdy jumys júrgizilgenin kórip otyrmyn. Osy iske jan-janýarlar men qoǵamǵa kómektesýge asyq ári osy maqsatqa jetý úshin óz múmkindigin usynýǵa daıyn kóp adamnyń, nıet túzý adamdardyń tartylǵanyn kórgenime qýanyshtymyn», - dedi Brıdjıt Olýa.

Kezdesý barysynda meımandar ortalyqtyń qyzmetimen, onyń ishinde jan-janýarlardy qorǵaýda «Birgemiz: Ayala» granttyq jobasynyń birneshe nátıjesimen tanysty, sondaı-aq «Adamǵa – ıt dos» fotokórmesin tamashalady.

Osylaısha, búgingi kúni jan-janýarlarǵa jaýapty qarym-qatynasty qalyptastyrý maqsatynda Azamattyq bastamalardy qoldaý ortalyǵynyń qarjylandyrýymen «Qazaqstannyń volonterler lıgasy» QQ «Birgemiz: Ayala» jobasyn júzege asyryp jatyr.

Azamattyq bastamalardy qoldaý ortalyǵynyń tóraǵasy Lıma Dıastyń aqparaty boıynsha, bir joba sheńberinde volonterlerdi tartý ǵana emes, sonymen qatar olar veterınarııa, kınologııa jáne zoopsıhologııa negizderin oqıdy.




«Jan-janýarlardy qoldaý taqyryby Qazaqstannyń azamattyq qoǵamy úshin óte mańyzdy másele. Bizdiń ortalyq «Birgemiz: Ayala» jobasy sheńberinde aqparattyq, ákimshilik jáne kez kelgen kómek pen qoldaýdy kórsetedi. Osy joba aıasynda atalǵan baǵyttar boıynsha bastamalardy júzege asyrý úshin 500 myń teńge kóleminde 5 shaǵyn grant berildi.

Janýarlarǵa jaýapkershilikpen qaraýdy nasıhattaýǵa baǵyttalǵan áleýmettik jobalardyń úzdik tájirıbelerin jınaý, sondaı-aq volonterlerdi veterınarııa, kınologııa jáne zoopsıhologııa negizderine oqytý jáne tartý arqyly zoovolonterlikti damytý jáne tanymal etý jumystary júrgizilip jatyr. Bul baǵyttaǵy jumys jalǵasady. Azamattyq bastamalardy qoldaý ortalyǵy qoǵamdyq úkimettik emes uıymdardyń, qoǵamdastyq toptary men eriktilerdiń bizdiń «kishi baýyrlarymyzdyń» quqyǵyn qorǵaý úshin birikkenine qatty qýanady», - dedi Lıma Dıas.

«Shiba Help Kz» bastamashyl tobynyń ókili Jámıla Túskeldınova Brıjıt Bardo qorynyń ókili Brıdjıt Olýamen kezdesken sáttegi áserin bólisti. Onyń paıymdaýynsha, kezdesý sonymen qatar janýarlar quqyǵyn qorǵaý týraly zańnamany ózgertý boıynsha usynystardy talqylaýǵa múmkindik bergen.

«Bizde jáne Qazaqstannyń túrli qalalarynan kelgen panalaý oryndarynyń ókilderinde janýarlarǵa qatysty eldegi jaǵdaı týraly pikirin aıtýǵa múmkindik boldy, biz óz azabymyz ben qajettilikterimizdi aıta aldyq. Sondaı-aq, jaqynda ǵana Májiliske engen «Janýarlarǵa jaýapkershilikpen qaraý týraly» zań jobasyn talqylaýǵa óte jaqsy múmkindik boldy. Biz osy zańda qajetti pysyqtaýlardy, sondaı-aq elimizdegi janýarlar problemalaryn sheshý úshin uıymdar tobynyń birlesken jumysynyń tıimdiligin talqyladyq», - dedi Jámıla Túskeldına.

Іs-shara qorytyndysy boıynsha taraptar yntymaqtastyqtyń birqatar áleýetti baǵytyn atap ótti, sonymen qatar jan-janýarlardy qorǵaýdy qamtamasyz etý boıynsha jumysty kúsheıtýge kelisti.




Aıta keterligi, qordyń qyzmeti Úkimet pen azamattardyń janýarlarǵa qatysty saıasatqa degen kózqarasyn ózgertýge baǵyttalǵan. Ol qańǵybas janýarlar problemasyna adamgershilik kózqarasty – zararsyzdandyrý, chıpteý, vaktsınalaý jáne janýarlardyń quqyqtaryn keńeıtý, sonymen qatar búkil álemdegi úkimettik emes uıymdarǵa qoldaý kórsetedi.

Qazaqstanda qor Nur-Sultandaǵy úısiz janýarlarǵa arnalǵan «Men tirimin» panalaý ornyna qarjylyq kómek kórsetti, sondaı-aq Semeı qalasyndaǵy janýarlardy tegin zararsyzdandyrý boıynsha «Tórt taban plıýs» QQ jobasyn qarjylandyrdy.











Basty sózder: Ekologııa, Azamattyq qoǵam,
Joǵary qaraı