Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Azamattarǵa qyzmet kórsetýden negizsiz bas tartýdyń 4 myńnan astam faktisi anyqtaldy

2022 jyldyń 15 sáýir 2022 14:06

NUR-SULTAN. QazAqparat – Sońǵy úsh jylda azamattarǵa qyzmet kórsetýden negizsiz bas tartýdyń 4 myńnan astam faktisi anyqtaldy. Bul týraly QR Memlekettik qyzmet isteri agenttigi tóraǵasynyń orynbasary Berik Berkimbaev aıtty, dep habarlaıdy QazAqparat tilshisi.

«Agenttike júktelip otyrǵan ekinshi másele – barlyq ákimshilik rásimderge taldaý jasap, ár jarty jyl saıyn nátıjesin, ıaǵnı bıýrokratııa kórinisterin aldyn alý boıynsha naqty usynystar berip turý. Bul – rasynda óte ózekti másele. Sońǵy úsh jyldyń ózinde azamattarǵa qyzmet kórsetýden 4 myńnan astam negizsiz bas tartý faktileri anyqtalyp otyr. Mysaly, osy jyldyń aqpan aıynda Qostanaı oblysy turǵynynyń jer máselesine qatysty ótinishi jer komıssııasymen oń sheshilse de, jer bóliminiń qyzmetkerlerimen negizsiz bas tartyldy. Árıne, máselege agenttik aralasyp, azamattyń quqyǵy qalpyna keltirildi. Alaıda, azamattar shaǵym aıtpaıtyndyqtan, bizge belgisiz faktilerdiń jetkilikti ekeni anyq», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń dereginshe, sońǵy 3 jylda qyzmet alýǵa kelgen 16 myńǵa jýyq azamattyń ótinishterin negizsiz ýaqytyn sozyp, áýre-sarsańǵa salǵan faktiler de anyqtalǵan. Sondaı-aq zańda kórsetilmegen qujat suratyp, qoldan kedergi jasaý jaǵdaılary da jıi oryn alady. 3 jylda mundaı 129 myń fakti tirkelgen.

«Al osylardyń barlyǵyna bıýrokratııa sebep bolyp otyr. Óz kezeginde, Agenttik bıýrokratııany zerdeleý jáne oǵan qarsy tetikter qoldaný ortalyǵyna aınalady. Bul jumystyń azamattardyń, bıznes ókilderiniń kómegi arqasynda tıimdiligi artatyny sózsiz», - dedi agenttik tóraǵasynyń orynbasary.


Joǵary qaraı