Aýa raıy
Astana 1 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aızat Moldaqasymova Ǵylymı ortalyq dırektory qyzmetine qabyldanbady

2020 jyldyń 21 qyrkúıek 2020 19:39

ALMATY. QazAqparat – Aızat Moldaqasymova Jumatov atyndaǵy Gıgıena jáne epıdemıologııa ǵylymı ortalyǵynyń dırektory qyzmetinen bosatyldy, dep habarlaıdy QazAqparat tilshisi.

QR Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń baspasóz qyzmetinen málim etkendeı, A. Moldaqasymova synaq merziminde ózin kórsete almaýyna baılanysty 14 qyrkúıekte qyzmetinen bosatyldy.

«2020 jyldyń 3 maýsymynda Aızat Moldaqasymova Jumatov atyndaǵy Gıgıena jáne epıdemıologııa ǵylymı ortalyǵynyń dırektory bolyp qabyldandy. Alaıda, 1 shildeden qyrkúıektiń ortasyna deıin Moldaqasymova ýaqytsha eńbekke jaramsyzdyq paraǵynda boldy. 14 qyrkúıek kúni onymen eńbek sharty buzyldy. Ol ózin synaq merziminde kórsete almady»,– dep habarlady Qoǵamdyq densaýlyq saqtaý ulttyq ortalyǵynyń baspasóz qyzmeti.

Aızat Moldaqasymova 2017 jyldan bastap Almaty qalasynyń Bas sanıtarlyq dárigeri bolyp qyzmet etti.

Eske salaıyq, bıylǵy sáýir aıynda Almatyda Ortalyq klınıkalyq qalalyq aýrýhana dárigerleri arasynda jappaı koronavırýs ınfektsııasy tirkelgen bolatyn. Alaıda, A.Moldaqasymova medıtsına mamandarynyń ózin sanıtarlyq normalardy saqtamady dep aıyptady. 18 sáýirde Bas sanıtarlyq dáriger qyzmetinen bosatyldy.

Al maýsym aıynda ol Jumatov atyndaǵy Gıgıena jáne epıdemıologııa ulttyq ortalyǵynyń basshysy qyzmetine taǵaıyndalǵany habarlandy.


Avtor Alma Muqanova
Basty sózder: Aımaq, Almaty,
Joǵary qaraı