Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aımaǵambetov oqýshy kóz jumǵan mektep jaıynda: Tergeý qorytyndysy ázir bolǵan soń shara qabyldanady

2021 jyldyń 21 qazan 2021 17:49

NUR-SULTAN. QazAqparat – Elimizdiń Bilim jáne ǵylym mınıstri Ashat Aımaǵambetov Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany týraly oqıǵaǵa qatysty túsinikteme berdi, dep habarlaıdy QazAqparat tilshisi.

«Atalǵan oqıǵa týraly estı sala Balalar quqyǵyn qorǵaý komıtetiniń basshysy men meniń keńesshim Túrkistan oblysyna attandy. Jaǵdaımen tanysyp, taldaý jasaldy. Qazir ýaqytta atalǵan fakt boıynsha sot-medıtsınalyq saraptama jasalyp, tergeý jumystary júrip jatyr. Tergeý qorytyndysy ázir bolǵan soń tıisti shara qabyldanady. Árıne, óte aýyr qaıǵy. Jalpy atalǵan óńirde osy sekildi faktiler baryn jasyrmaý kerek. Tergeý isi aıaqtalmaı jatyp boljam jasaýǵa erte ári durys emes. Óıtkeni bolǵan isti tergeý quqyq qorǵaý organdaryna tıesili. Biz atalǵan mekteptiń tek tárbıe jáne bilim berý protsesin ǵana tekserdik jáne onda kemshiliktiń baryn baıqadyq», - dedi Ashat Aımaǵambetov OKQ-de ótken baspasóz máslıhatynda.

Eske sala ketsek, ótken aptada buqaralyq aqparat quraldarynda Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany týraly habar tarady.

Óz kezeginde oblystyń Densaýlyq saqtaý basqarmasynyń baspasóz qyzmeti balanyń jaǵdaıy óte aýyr bolǵanyn rastap, al oblystyq Polıtsııa departamenti tekserý júrgizilip jatqanyn habarlady.


Joǵary qaraı