Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Aıqyn Qońyrov: Partııa ýaqyt talabyna saı qyzmetin jalǵastyrady

2020 jyldyń 23 qarasha 2020 12:13

NUR-SULTAN. QazAqparat – Qazaqstan halyq partııasynyń kezekten tys XVI sezi ótti, dep habarlaıdy QazAqparat tilshisi.

Jıyn barysynda Parlament Májilisi jáne máslıhattar depýtattarynyń saılaýyna qatysý, Saılaýaldy baǵdarlama, respýblıkalyq saılaýaldy shtabty qurý, depýtattyqqa kandıdattardyń partııalyq tizimi qaraldy.

«Partııanyń 2021 jylǵy 10 qańtardaǵy Parlament Májilisi jáne máslıhattar depýtattaryn saılaýǵa qatysýy týraly usynys engizilip otyr. Esepti kezeńde halyqtyń qoldaýy turǵysynda partııa óziniń brendin ózgertti, ıaǵnı Qazaqstan kommýnıstik halyq partııasynan Qazaqstan halyq partııasy dep ataldy. Biz ýaqyt talabymen alǵa qaraı ilgerileýge nıettimiz jáne osyny durys qadam dep esepteımiz. Osy oraıda el halqy bizdiń bastamalardy qoldaıtynyna senimdimiz», - dedi partııa tóraǵasy Aıqyn Qońyrov.





Onyń aıtýynsha, fraktsııa únemi partııalyq ustanymdar aıasynda qyzmet etip, halyq múddesine saı jumys istedi. Osy oraıda ol partııa qyzmeti jer resýrsy, tabıǵı baılyqy el ıgiligine paıdalanylýyna negizdelgenin atap ótti.

«Bizdiń Parlamenttegi fraktsııa aýqymdy bolmasa da, atqarǵan jumysy eleýli. Ótken bes jylda fraktsııanyń 92 otyrysy ótkizildi, 300-ge jýyq depýtattyq saýal joldandy. Eldi mekenderge 664 jumys sapary jasalyp, halyqpen 1450 kezdesý boldy. Úsh myń nan astam jeke ári zańdy tulǵalardyń ótinimi qaraldy», - dedi A. Qońyrov.

Eske sala keteıik, bıyl qarasha aıynda Qazaqstan kommýnıstik halyq partııasynyń ataýy ózgerip, rebrendıng jasaldy. Endi Qazaqstan halyq partııasy dep atalatyn boldy.

Budan buryn Qazaqstan kommýnıstik halyq partııasy aldaǵy Májilis jáne máslıhat depýtattaryn saılaýǵa daıyn ekendigin jarııalaǵan edi.














Joǵary qaraı