Aýa raıy
Astana 12 °S
Almaty 18 °S
valıýta baǵamy
USD 412.55
EUR 468.66
RUB 5.79
CNY 58.80

Aıgúl Shaıymova QR ulttyq ekonomıka vıtse-mınıstri qyzmetine taǵaıyndaldy

2020 jyldyń 7 shilde 2020 19:00

NUR-SULTAN. QazAqparat - QR Úkimetiniń qaýlysymen Aıgúl Amantaıqyzy Shaıymova Qazaqstan Respýblıkasy Ulttyq ekonomıka vıtse-mınıstri laýazymyna taǵaıyndaldy, dep habarlaıdy QazAqparat QR Premer-Mınıstriniń baspasóz qyzmetine silteme jasap.

Aıgúl Shaıymova 1979 jyly Aqmola oblysynyń Marınovka aýylynda dúnıege kelgen. L. Gýmılev atyndaǵy Eýrazııa ýnıversıtetin, Qarjy polıtsııasy akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn támamdaǵan.

Ár jyldary QR Qarjy polıtsııasy agenttiginde, Ekonomıkalyq qylmysqa jáne syıbaılas jemqorlyqqa qarsy kúres agenttiginde, QR Bas prokýratýrasynda jumys istedi.

2013-2014 jyldary Qazaqstan Respýblıkasy Qaýipsizdik Keńesiniń Sıtýatsııalyq ortalyǵy meńgerýshisiniń orynbasary qyzmetin atqardy.

2014-2016 jyldary — Qazaqstan Respýblıkasy Memlekettik qyzmet isteri jáne sybaılas jemqorlyqpen kúres agenttiginiń apparat jetekshisi.

2016 jyly — Qazaqstan Respýblıkasy Memlekettik qyzmet isteri vıtse-mınıstri.

2016 jylǵy qyrkúıek aıynan bastap 2019 jylǵy shildege deıin Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary qyzmetin atqardy.

2019 jylǵy shildeden bastap Mádına Serikqyzy Júnisbekovanyń oqý demalysy kezeńinde Qazaqstan Respýblıkasy ulttyq ekonomıka vıtse-mınıstri qyzmetin atqardy.


Joǵary qaraı