Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áıeli eki apta izdep taba almaǵan erkek basqa qalada jumys istep júrgen

2021 jyldyń 28 qazan 2021 11:10

KELES. QazAqparat - Túrkistan oblysynyń polıtseıleri áıelge joǵalǵan kúıeýin taýyp berip, alǵys aldy, dep habarlaıdy QazAqparat.

Keles aýdandyq PB-ǵa jas áıel aryzdanyp, nekedegi kúıeýin birneshe kúnnen beri tappaı jatqanyn habarlaǵan.

Áıeldiń aıtýynsha, kúıeýi uıaly telefonyn úıine tastap, ózi belgisiz baǵytqa shyǵyp ketip, iz-túzsiz joǵalǵan.

Alǵashqy 2-3 kúnde jaqyndary týystarynyń, dostarynyń úıinen izdep, árekettengen.

Alaıda bul isi sátsiz aıaqtalǵan soń polıtsııa qyzmetkerleriniń kómegine júgingen.

Atalǵan jaıtty tártip saqshylary birden tirkeýge aldy. Azamatty tabý úshin ýchaskelik polıtseıler men jedel ýákilder jumyldyryldy.

Olar joǵalǵan er azamatty tez arada tabý maqsatynda kólik júrgizýshilerinen, kýálardan onyń barýy múmkin dos-týystarynan surastyrý jumystaryn júrgizdi.

2 aptaǵa jýyq júrgizilgen izdestirý sharalarynyń nátıjesinde, kelestik polıtseıler azamatty Túrkistan qalasynda jumys jasap júrgen jerinen anyqtady.

Belgili bolǵandaı, er adam úıinen shyqqan soń dosymen birge Syrdarııa ózeni boıyna balyq aýlaýǵa barǵan.

Odan ary Túrkistan qalasyna ketip, sonda qurylys jumystaryn jasap júre bergen.

Osylaısha tártip saqshylary atalǵan azamatty oblys ortalyǵynan taýyp, aman-esen úıine jetkizdi.

Áıeli kúıeýiniń din-aman tabylǵanyna qýanyp, polıtseılerge onyń ishinde Keles APB KPB jedel ýákili polıtsııa kapıtany Bolat Qurmanqulovqa erekshe alǵysyn jetkizdi.

Osy rette oblys polıtseıleri barlyq turǵyndarǵa eskertedi, egerde jaqynyńyz nemese tanysyńyz habar-osharsyz ketken bolsa, birden ýaqyt joǵaltpaı polıtsııa qyzmetkerlerine habar berińiz.

Der kezinde berilgen aqparat joǵalǵan jannyń tabylýyna óz septigin tıgizbek.


Basty sózder: Oqıǵa, Túrkistan oblysy,
Joǵary qaraı