Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áıelderdiń zeınetke shyǵý jasyn tómendetý máselesi talqylanady - Eraly Toǵjanov

2022 jyldyń 12 mamyr 2022 12:20

NUR-SULTAN. QazAqparat – QR Premer-Mınıstriniń orynbasary Eraly Toǵjanov áıelderdiń zeınetke shyǵý jasyn tómendetý máselesi Áleýmettik kodeks aıasynda talqylanatynyn aıtty, dep habarlaıdy QazAqparat tilshisi.

«Zeınet jasyn qysqartý kerektigin kóterip júrgen sanattar shynymen kóp. Bul másele talqylanady. Óıtkeni obektııvti túrde aıtsaq, bul ońaı másele emes. Halyqaralyq tájirıbeni eskerip otyrmyz. Halyqaralyq tájirıbede zeınet jasyn tómendetý týraly áńgime joq. Bul taqyrypty shahterler ǵana kóterip otyrǵan joq. Múgedektigi bar balalardyń analary da bul máseleni kóterip júr», - dedi Úkimet basshysynyń orynbasary.
Sonymen qatar ol jyl sońyna qaraı Áleýmettik kodeks qabyldanatynyn eske saldy.
«Áleýmettik kodeks jyl aıaǵyna qaraı qabyldanady. Oǵan deıin birneshe talqylaý júredi. Áıelderdiń zeınet jasy qazir 60 jas mólsherinde. 2027 jylǵa deıin osy qalyppen uzarady. Sondyqtan kún tártibinde bul másele tur», - dedi Eraly Toǵjanov.

Aıta keteıik, Qazaqstan Halyq partııasy áıelderdiń zeınet jasyn 58 jasqa deıin tómendetý týraly usyny kótergen bolatyn.



Joǵary qaraı