Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıdos Úkibaı: Túrkistan óziniń baı tarıhynda mundaı aýqymdy qurylysty kórgen emes

2021 jyldyń 13 mamyr 2021 19:49

NUR-SULTAN. QazAqparat – QR Tuńǵysh Prezıdenti – Elbasynyń baspasóz hatshysy Aıdos Úkibaı Nursultan Nazarbaevtyń Túrkistanǵa jasaǵan saparynan keıin óz oı-tolǵamymen bólisti, dep habarlaıdy QazAqparat tilshisi.

«Elbasynyń jaqynda Túrkistanǵa jasaǵan saparynyń baǵdarlamasy óte mazmundy boldy. Úsh jarym saǵat ishinde Nursultan Nazarbaev jeti nysanǵa bas suǵyp, qala men oblystyń damý josparlarymen tanysty, «Kerýen-saraı» keshenin aralady», - dep bastady ol sózin.

Aıdos Úkibaıdyń aıtýynsha, Elbasy Túrkistandaǵy qurylystardy oń baǵalap, qala shyn máninde tanymastaı bolyp ózgergenine nazar aýdarǵan.

«2018 jyldan bastap Qazaqstannyń rýhanı astanasyn kezeń-kezeńmen salý josparyn iske asyrý boıynsha orasan zor jumys júrgizildi. Búkil túrki áleminiń kıeli ortalyǵy sanalatyn Túrkistan óz tarıhynyń jańa ári jarqyn kezeńine qadam basty. Ata-babalarymyzdyń erlik isteri týraly esteliker tunǵan rýhanı shahar ultymyzdyń bolashaqqa umtylysynyń taǵy bir sımvolyna aınaldy», - dedi Tuńǵysh Prezıdenttiń baspasóz hatshysy.

Atap ótilgendeı, Túrkistannyń jańǵyrýy oblys ortalyǵyna ǵana emes, búkil óńirge mýltıplıkatıvti ekonomıkalyq áser bergen jobaǵa aınaldy.

«Úsh jyl ishinde óńirdiń ónerkásip kólemi 18 paıyzǵa, aýyl sharýashylyǵy ónimi 34 paıyzǵa, shaǵyn jáne orta bıznestiń úlesi 21 paıyzǵa ósti. Osy ýaqyt ishinde ákimshilik-iskerlik jáne áleýmettik-mádenı nysandarmen qosa ónerkásiptik aımaq quryldy. Qala júz paıyz gazben qamtyldy», - deıdi A.Úkibaı.

Sondaı-aq, ol Túrkistannyń aınalasynda aýdany 13 myń gektar bolatyn jasyl beldeý boı kóterip kele jatqanyn, sol beldeýge 3,5 mıllıon túpaǵash otyrǵyzylǵanyn aıryqsha atap ótti.

«Óziniń san ǵasyrlyq baı tarıhynda Túrkistan mundaı qurylys aýqymyn eshqashan kórgen emes. Munda ınvestıtsııalar tartylýda, munda jumys oryndary qurylýda. Máselen, oblysqa salynǵan ınvestıtsııalar kólemi úsh jylda 2,4 eseden astam ulǵaıdy. Túrkistan qalasyna 367 mıllıard teńgeden astam qarjy ınvestıtsııalandy», - dedi Aıdos Úkibaı.


Avtor Esimjan Naqtybaı
Basty sózder: Túrkistan oblysy, Aımaq,
Joǵary qaraı