Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıdos Úkibaı Elbasy sheshimi týraly: Bul bılik tranzıtiniń qısyndy jalǵasy ǵana

2021 jyldyń 23 qarasha 2021 16:35

NUR-SULTAN. QazAqparat - Qazaqstan Respýblıkasynyń Tuńǵysh Prezıdenti – Elbasynyń keńesshisi - Baspasóz hatshysy Aıdos Úkibaı Nursultan Nazarbaevtyń «Nur Otan» partııasynyń Tóraǵasy ókilettigin Prezıdentke tapsyrý týraly sheshimin túsindirdi, dep habarlaıdy QazAqparat.

«Atqaratyn laýazymyna, quqyqtaryna qaramastan, Nursultan Ábishuly ultymyzdyń Kóshbasshysy – Elbasy, álem moıyndaǵan qazirgi zamannyń kórnekti saıasatkeri, bedeldi tulǵa bolyp qala beretinin túsiný kerek.

Zamanaýı Qazaqstannyń negizin qalaǵan, janyn salyp, búkil ómirin elge arnaǵan adamnyń árqashan halyq múddesin oılap, elimizdiń bolashaǵy úshin alańdaıtynyn bári túsinedi dep oılamyn. Elbasynyń bul ustanymy ózgermek emes.

Búgingi sheshim – bılik tranzıtiniń qısyndy jalǵasy ǵana. Nursultan Nazarbaev atap ótkendeı, ásirese qazirgi pandemııadan bolyp otyrǵan jahandyq daǵdarys kezinde «Nur Otan» partııasy Qazaqstan Prezıdenti úshin basty tirek bolýy kerek.

Jarǵyǵa sáıkes, «Nur Otan» partııasynyń Tóraǵasyn saılaý men ony laýazymynan bosatý Partııa seziniń erekshe quzyretine jatady. Oǵan deıin Nursultan Nazarbaev partııa Tóraǵasynyń qyzmetinde bolady», - delingen Aıdos Úkibaıdyń resmı kommentarıinde.


Joǵary qaraı