Aýa raıy
Astana -14 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

«Aıbyn» áskerı-patrıottyq jastar jıyny: Alǵashqy jeńimpazdar anyqtaldy

2020 jyldyń 5 qazan 2020 11:07

NUR-SULTAN. QazAqparat - «Aıbyn» áskerı-patrıottyq jastar jıynynyń alǵashqy baıqaýy – «Aıbyn daryny» zııatkerlik oıyny aıaqtaldy, dep habarlaıdy QazAqparat tilshisi.

QR Qorǵanys mınıstrliginen málim etkendeı, kvız-vıktorına formatyndaǵy saıys tórt kún boıy ótti.

«Komandalar oıynǵa kezekpen qatysty. Qatysýshylar moderatordyń suraqtaryna aýyzsha jaýap berdi. Suraqtardyń formaty ártúrli boldy. Atap aıtqanda aýdıo jáne vıdeosuraqtar, test, faktilerdi saralaý, rebýstar jáne logıkalyq tapsyrmalar.

Kvız-vıktorınanyń bes kezeńi taqyryptar boıynsha erekshelendi. Mysaly, Qazaqstan tarıhy, geografııa men qazaqstandyqtardyń Ekinshi dúnıejúzilik soǵysqa qatysýy boıynsha suraqtar qamtyldy. Jeke kezeńderde qatysýshylardyń tilderdi bilýi, sonymen qatar logıkalyq oılaýy sarapqa salyndy. Jastarǵa jaýap berý úshin 30-dan 60 sekýndqa deıin ýaqyt berildi.





Nátıjesinde, úshinshi orynǵa 25 suraqtyń 18-ine durys jaýap bergen Nur-Sultan qalasyndaǵy Saǵadat Nurmaǵambetov atyndaǵy «Jas Ulan» respýblıkalyq áskerı mekteptiń tárbıelenýshisi Dıas Máýlemberdıev ıe boldy.

Ekinshi orynǵa «Batys» óńirlik qolbasshylyǵynyń «Batys» áskerı-patrıottyq klýbynyń tárbıelenýshisi Arýjan Imanova taban tiredi. Ol 19 suraqqa durys jaýap berdi.

Zııatkerlik oıynnyń jeńimpazy UQK Shekara qyzmetiniń «Jas shekarashy» áskerı-patrıottyq klýbynyń tárbıelenýshisi Danııal Jarkenov boldy. Baıqaý jeńimpazy 25 suraqtyń 24-ine durys jaýap berý arqyly bir ǵana qatelik jiberdi.

«Qatysýshylardyń aldynda taǵy da kóptegen qyzyqty saıystar kútýde. Jınnyń kelesi kezeńi – «Aıbyn juldyzy» shyǵarmashylyq baıqaýy. Atalmysh saıysta qatysýshylar ózderi daıyndaǵan mýzykalyq-teatrlandyrylǵan nómirdi usynýy kerek», - dedi mınıstrlikten.

Esterińizge sala keteıik, «Aıbyn» VI respýblıkalyq áskerı-patrıottyq jastar jıyny elimizdegi sanıtarlyq-epıdemıologııalyq shekteý sharalaryna baılanysty alǵash ret onlaın rejımde ótýde. Ony uıymdastyrý úshin Aibyn mobıldik qosymshasy men veb-saıtty qamtıtyn arnaıy aibynonline.kz onlaın-platforma ázirlendi.

Jıynǵa elimizdiń barlyq óńirlerinen 39 komanda qatysýda. Atap aıtqanda, «Jas ulan» respýblıkalyq mektepteriniń, óńirlik áskerı mektep-ınternattarynyń, Qarýly Kúshterdiń áskerı-patrıottyq klýbtarynyń, UQK Shekara qyzmetiniń, ІІM Ulttyq ulanynyń, basqa da áskerler men áskerı quralymdarynyń tárbıelenýshileri. Qatysýshylardyń jalpy sany 585 adamdy quraıdy.

Úılestirý maqsatynda Nur-Sultan qalasyndaǵy Qarýly Kúshterdiń Ulttyq áskerı-patrıottyq ortalyǵynda front-ofıs quryldy, onda Led-ekranda jarys barysy baqalanady.


Basty sózder: Ásker, Jastar,
Joǵary qaraı