Aýa raıy
Astana 22 °S
Almaty 25 °S
valıýta baǵamy
USD 405.69
EUR 455.51
RUB 5.72
CNY 57.42

Avtojoldarda kóktaıǵaqty boldyrmaýdyń jańa tásilderi engizilmek

2019 jyldyń 12 qarasha 2019 18:35

NUR-SULTAN. QazAqparat – Bıyl Qazaqstandaǵy avtojoldarda kóktaıǵaqty boldyrmaýdyń jańa tásilderi engiziledi. Bul týraly «QazAvtoJol» UK» AQ basqarma tóraǵasy Ulan Álipov málim etti, dep habarlaıdy QazAqparat tilshisi.

«Qys mezgili endi ǵana bastalyp jatyr. Sońǵy kúnderi jańbyrdan keıin qardyń túsýi, sodan keıin onyń qatýy saldarynan joldy kóktaıǵaqtan jyldam tazartý qıynǵa túsip jatyr. Qazirgi kezde joldardaǵy qozǵalys qamtamasyz etildi», - dedi U. Álipov Úkimet úıinde ótken baspasóz máslıhatynda.

Osy oraıda, ol bıyl kompanııa kóktaıǵaqtan tazartýdyń jańa tehnologııasyn engizýdi josparlap otyrǵan jetkizdi.

«Qazirgi kezde tekserýden ótken barlyq tehnologııany iske asyryp kelemiz, endi kóktaıǵaqty boldyrmaýdyń jańa tehnologııasyn engizemiz. Bul turǵyda keıbir eskertýler bar, sondyqtan osy baǵytta tıisti sharalardy iske asyramyz. Búginde Nur-Sultan men Býrabaı aralyǵyndaǵy jolda QazAvtoJol qyzmet kórsetýde, al qalǵan aqyly joldardy «Qazaqavtojol» kompanııasy qamtyp otyr. Osyǵan qatysty máselelerdi pysyqtaıtyn bolamyz», - dedi Ulan Álipov.

Sonymen qatar, ol avtojoldardaǵy máseleler boıynsha el turǵyndary táýlik boıy shuǵyl baılanys jelisine habarlasa alatynyn aıtty.

«1403 nómirine telefon shalýǵa bolady, ıaǵnı táýliktiń kez kelgen ýaqytynda aqysyz túrde habarlasa alasyzdar», - dedi Ulan Álipov.

Budan buryn habarlanǵandaı, jeltoqsan aıynda «Nur-Sultan-Pavlodar» avtobany tolyq ashylady.

Avtor Rýslan Ǵabbasov
Basty sózder: Kólik, Qoǵam,
Joǵary qaraı