Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Avtomat, tapansha, myltyq: Tarazda bir kúnde 52 qarý tabyldy

2022 jyldyń 22 qańtar 2022 22:09

TARAZ. QazAqparat - Taraz qalasynyń polıtseıleri qarý-jaraq pen oq-dári izdestirý jumysyn jalǵastyryp jatyr, dep habarlaıdy QazAqparat.

Qala aýmaǵynda ótkizilip jatqan «Quqyqtyq tártip» respýblıkalyq jedel profılaktıkalyq is-sharasy barysynda búkil kópqabatty úıler, saıajaılar, garaj kooperatıvteri, saıabaqtar men skverler jiti tekserilýde.

19 qańtar kúni zańsyz saqtalǵan qarý-jaraq pen oq-dárini izdeý kezinde qala aýmaǵynan 52 qarý tabyldy.

Onyń ishinde atys qarýyna jatatyn 1 «Kalashnıkov» markaly avtomaty, 4 «ańshy myltyǵy», 11 «Makarov» markaly tapanshasy, 7 súńgi pyshaq jáne taǵy basqa pnevmatıkalyq, travmatıkalyq qarýlar anyqtalyp, tárkilendi.

Tárkilengen qarý-jaraqqa qatysty arnaıy sot-ballıstıkalyq saraptama taǵaıyndaldy.

Taraz qalalyq polıtsııa basqarmasy qarýdyń, oq-dárilerdiń, arnaıy quraldardyń orny týraly habarlaǵan nemese olardy polıtsııaǵa óz erkimen tapsyrǵan adam qylmystyq jáne ákimshilik jaýapkershilikke tartylmaıtynyn eske salady.

Anonım bolyp qalatynyna kepildik beriledi.



Joǵary qaraı