Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Avtobýstyń tóbesine shyǵyp alyp «serýendegen» Aqsý turǵyny ustaldy

2021 jyldyń 18 maýsym 2021 16:00

PAVLODAR. QazAqparat – Pavlodar oblysynyń Aqsý qalasynda avtobýstyń tóbesine shyǵyp alyp, jol júrgen 18 jastaǵy er adam ustaldy. Ol bul áreketke áleýmettik jelide tanymal bolý úshin barǵan, dep habarlaıdy QazAqparat.

«Instagram áleýmettik jelisinde monıtorıng júrgizý kezinde, pavlodarlyq pablıkterdiń birinen Pavlodar oblysyna qarasty Aqsý qalasynda jas jigittiń qalalyq avtobýstyń tóbesine shyǵyp alyp jol júrgeni jarııalanǵan vıdeo anyqtaldy», - dep habarlady Pavlodar oblystyq polıtsııa departamentiniń baspasóz qyzmetinen.

Polıtseıler jarııalanǵan vıdeo boıynsha tekseris jumysyn júrgizdi.

«17 maýsym kúni saǵat 13:00 shamasynda Aqsý qalasyndaǵy Astana kóshesinde jas jigit avtobýs aıaldamasynan qalalyq avtobýstyń ústine minip alyp, jol júrgen. Kólik quraly qozǵalyp kele jatqanda ol balaǵat sózder aıtyp turǵan», - dep habarlady Pavlodar oblysy Aqsý qalalyq polıtsııa bólimi jergilikti polıtsııa qyzmetiniń bastyǵy Arman Rahmetov.

Onyń aıtýynsha, polıtseıler tártip buzýshyny ustady. Ol qalanyń 18 jastaǵy turǵyny bolyp shyqty.

Oǵan qatysty QR Ákimshilik quqyq buzý kodeksiniń 434-baby (Usaq buzaqylyq) boıynsha ákimshilik óndiris qozǵalǵan.

Materıal tıisti jazalaý sharasyn qabyldaý úshin sotqa jiberildi.

Polıtsııa jas jigittiń bul áreketke áleýmettik jelidegi haıp úshin barǵanyn atap ótti.



Basty sózder: Kólik, Pavlodar oblysy, Oqıǵa,
Joǵary qaraı