Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Avstrııada hırýrg qatelesip naýqastyń saý aıaǵyn kesken

2021 jyldyń 2 jeltoqsan 2021 07:26

NUR-SULTAN. QazAqparat - Avstrııada Lınts qalasynyń soty qateelesip naýqastyń sol aıaǵyn emes, oń aıaǵyn kesken hırýrgke 2700 eýro aıyppul saldy, dep habarlaıdy QazAqparat VVS-ge silteme jasap.

Sonymen qatar sotqa deıin kóz jumǵan naýqastyń jesirine 5 myń eýro kóleminde ótemaqy taǵaıyndaldy, dep jazdy Frans Press.

82 jastaǵy er adam (aty-jóni, sondaı-aq hırýrgtiń aty-jóni jarııalanbady) osy jyldyń mamyr aıynda Fraıshtadt aýrýhanasyna túsken. Onyń sol aıaǵy kesilýi tıis bolatyn, biraq hırýrg nege ekeni belgisiz oń aıaǵyna ota jasaǵan.

Qatelik eki kúnnen keıin aıaqty tańý kezinde ǵana anyqtalyp, naýqasqa taǵy da ampýtatsııa jasalatyndyǵy aıtylǵan.

Bul keleńsiz jaǵdaı sotqa deıin bardy. Onda hırýrg nelikten sol aıaqtyń ornyna oń aıaǵyn kesý úshin belgi qoıǵanyn suraǵanda, ol: «bilmeımin» dep jaýap bergen.

Odan keıin hırýrg basqa emhanaǵa aýystyrylyp, aıyppuldyń jartysyn tóleý keıinge qaldyrylǵan


Basty sózder: Álem, Medıtsına, Oqıǵa,
Joǵary qaraı