Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Avıaotyn tapshylyǵy: Elorda áýejaıyna 200 tonnadan astam janarmaı jetkizildi

2021 jyldyń 28 qazan 2021 18:01

NUR-SULTAN. QazAqparat - Elordalyq áýejaı avıaotynnyń jetispeýshiligine qatysty Energetıka men Indýstrııa jáne ınfraqurylymdyq damý mınıstrlikterimen birlesip avıaotyn jetkizý jumystaryn pysyqtaýda. Qazirgi ýaqytta kúrdeli jaǵdaıdyń aldy alyndy, dep habarlaıdy QazAqparat áýejaıdyń baspasóz qyzmetine silteme jasap.

«Áýejaı turaqty jolaýshylar jáne júk reısterin úzdiksiz toltyrý jumystaryn atqarýda. Joǵaryda atalǵan memlekettik organdarmen birlesip, bıylǵy 9 qarashada Pavlodar munaı-hımııa zaýyty jumysyn qaıta bastaǵansha zaýyttardan avıaotyn jetkizý kestesi ázirlendi. Qazirgi ýaqytta áýejaıda 3100 tonna avıakerosın qaldy. Jaqyn kúnderi 3900 tonna (3 myń tonna – «QazMunaıGaz-Aero» JShS, 700 tonna – «Petrosan» JShS, 200 tonna – East fuel) jetkizý kútilýde», - dep habarlady Nursultan Nazarbaev áýejaıynyń baspasóz qyzmeti.

Áýejaıdyń habarlaýynsha, qazir 3800 tonna avıakerosın jetkizý úshin kelisimshartqa qol qoıyldy jáne tólendi.

Elorda ýaqytymen saǵat 15: 00-de Nursultan Nazarbaev áýejaıynyń saqtaý bazasynda 921 tonna otyn bar, búgin 200 tonnadan astam ákelingen.

Buǵan deıin QR Indýstrııa jáne ınfraqurylymdyq damý mınıstrligi elorda áýejaıy men «SKAT» áýe kompanııasynyń avıaotyn jetispeýshiligine qatysty málimdemelerine pikir bildirgen bolatyn. Sonymen qatar Qazaqstannyń munaı óńdeý zaýyttary qosymsha 2 myń tonna avıaotyn óndiredi.
Avtor Aıjan Serikjanqyzy
Basty sózder: Nur-Sultan, Qoǵam,
Joǵary qaraı