Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyr atletıkadan álem chempıonatynda Qazaqstan qorjynyna taǵy bir «altyn» tústi

2021 jyldyń 12 qazan 2021 22:52

TALDYQORǴAN. QazAqparat - Jetisýlyq arý aýyr atletıkadan jasóspirimder arasyndaǵy álem chempıonatynda el qorjynyna ekinshi altyn júldeni saldy, - dep habarlaıdy QazAqparat tilshisi.

Saýd Arabııasyndaǵy jasóspirimder arasyndaǵy álem chempıonatynda Rýfına Chalkarova ekinshi «altyndy» jeńip aldy. Boıjetken Almaty oblysy Qaratal aýdany Úshtóbe qalasynda dúnıege kelgen. Qazirgi ýaqytta ol Taldyqorǵan qalasyndaǵy sport-ınternatynda 10-synypta oqıdy.

Sportshy 81 keliden joǵary salmaq dárejesinde úzdik atandy. Qossaıys esebinde ol 247 (107+140) kılogramm kóterdi. Ekinshi oryn Brazılııadan kelgen Tıana Jýstınoǵa buıyrdy-219 keli. Qola medaldi Fatmagýl Chevık (Túrkııa) jeńip aldy - 203 keli.

Aıta keteıik, buǵan deıin birinshi oryndy 102 kelige deıingi salmaqta Rahat Bekbolat ıelengen edi.

Rýfına jasóspirimder arasynda QR birneshe dúrkin chempıony.

«Óz jeńisimdi Qazaqstan Táýelsizdiginiń 30 jyldyǵyna arnaımyn. Árıne, qıyn boldy, biraq men sońyna deıin shydadym. Munyń artynda úlken eńbek tur. Kúndelikti jattyǵýlar, jattyqtyrýshynyń sporttyq rýhty qalyptastyrýy, jerlesterdiń qoldaýy jeńis týyn jelbiretýge jiger berdi», - dep atap ótti Rýfına Chalkarova.





Avtor Samal Qabysheva
Basty sózder: Almaty oblysy, Sport,
Joǵary qaraı