Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldyń gúldenýi – Qazaqstannyń gúldenýi: Aqmola turǵyny týǵan aýylyna án arnady

2021 jyldyń 20 qazan 2021 18:53

KÓKShETAÝ. QazAqparat - Aqmola oblysynyń aýyldyq aýyldyq eldi mekenderinde el Táýelsizdiginiń 30 jyldyǵyna arnalǵan «Aýyldyń gúldenýi – Qazaqstannyń gúldenýi» marafony jalǵasyp jatyr. Ereımentaý aýdanynyń Torǵaı, Maltabar, Óleńti, Ajy jáne Sileti aýyldarynda birqatar is-sharalar ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Іs-shara aıasynda aýyl sharýashylyǵy ónimderiniń jármeńkesi, sándik-qoldanbaly óner sheberleri men qolóner sheberleriniń jumystarynyń kórmeleri, aýdandyq mádenıet úıi jáne aýyl ónerpazdarynyń qatysýymen kontsertter uıymdastyryldy.

Kezdesýge qurmetti qonaqtar retinde eńbek ardagerleri, aýyl eńbekkerleri jáne agroónerkásip kesheniniń ozattary shaqyryldy.

«Barlyq is-sharalar aýyldarda qyzyqty jáne mazmundy ótti. Turǵyndar kóńildi ýaqyt ótkizdi, bir-birimen sóılesti, ómirdiń jaǵymdy jáne jarqyn sátterin eske aldy. Meniń oıymsha, aýyl turǵyndary kóptegen jaǵymdy emotsııalar men kóterińki kóńil - kúıge ıe boldy», - dedi Torǵaı aýyldyq okrýginiń ákimi Marat Áýbákirov.




Marafondy ótkizý Óleńti aýylynyń 60 jyldyq mereıtoıymen tuspa-tus keldi.

Aıtýly oqıǵanyń qurmetine aqyn, ánshi, kompozıtor Saılaý Jylqybaev týǵan aýylyna «Óleńtim – Óleńim» ánin arnady.

Sondaı-aq, shara aıasynda aýyldyq kitaphanada «Uly dalanyń ejelgi qolóner kórmesi» atty arnaıy kórme uıymdastyryldy.

«Osy jyldar ishinde aýyl turǵyndarynyń kúndelikti eńbeginiń arqasynda úlken aýyl ósti. Barlyq turǵyndardy aýyldyń mereıtoıymen quttyqtaımyn, olarǵa zor densaýlyq pen amandyq tileımin. Bizdiń aýyl odan ári gúldene bersin», - dedi aýyl turǵyny Baltabaı Hosybaev.

Aıta keteıik, «Aýyldyń gúldenýi – Qazaqstannyń gúldenýi» marafony qazan aıynda oblystyń aýyldyq eldi mekenderinde aýyldardy turaqty damytý, aýyl sharýashylyǵy ónimderiniń básekege qabiletin arttyrý, halyq shyǵarmashylyǵy elementterin saqtaý jáne damytý maqsatynda ótkiziledi.



Joǵary qaraı