Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldy qarjylandyrý bıýdjettiń basym baǵyttarynyń biri bolýy kerek - Máýlen Áshimbaev

2020 jyldyń 23 qazan 2020 14:25

NUR-SULTAN. QazAqparat – QR Parlamenti Senatynyń tóraǵasy Máýlen Áshimbaev «Aýyl – El besigi» jobasyna ulttyq joba mártebesin berýge qatysty pikir bildirdi, dep habarlaıdy QazAqparat tilshisi.

«Eń aldymen, aýyldyq aýmaqtardy mmelekettik basqarýdyń tıimdi tetigin qalyptastyrý qajet ekeni anyq. Búgin «Aýyl – El besigi» jobasyna ulttyq joba mártebesin berý týraly jaqsy usynys aıtyldy. Bul bastamany oryndy dep qabyldaımyz. Ulttyq joba osy baǵyttaǵy máselelerdi keshendi túrde sheshýge, aýylǵa kórsetiletin memlekettik qoldaýdy júıeleýge múmkindik beredi. Osy rette Memleket basshysynyń tapsyrmasyn esten shyǵarmaıyq», - dedi M. Áshimbaev Senattaǵy aýyldyq aýmaqtardy damytý jónindegi parlamenttik tyńdaýda.

Sonymen qatar ol búgin aýyldyq aýmaqtardy damytý máselelerin Aýyl sharýashylyǵy mınıstrligine berý týraly sóz bolǵanyn eske saldy. Bul osy salaǵa bólingen resýrstardy bir úılestirýshi organǵa shoǵyrlandyrýǵa múmkindik beredi jáne senatorlar osy usynysty qoldap otyr.

«Aýyl halqynyń ómir súrý deńgeıin arttyrýdyń negizgi faktory – sapaly ınfraqurylym qalyptastyrý ekeni túsinikti. Ol degenimiz – densaýlyq saqtaý, bilim berý, mádenıet, baspana máselelerin ońtaıly sheshý degen sóz. Sondaı-aq, sapaly jol men tsıfrlyq ınfraqurylymdy damytý. Sondyqtan aýyldy damytýdy qarjylandyrý Respýblıkalyq bıýdjettiń basym baǵyttarynyń biri bolýy kerek dep esepteımiz», - dep atap ótti Senat tóraǵasy.

Máýlen Áshimbaev aýyl turǵyndaryn jumyspen qamtý jáne olardyń tabysyn arttyrý da eń ózekti máselelerdiń biri ekenin aıtty. Osy maqsatta eń aldymen, jumys oryndaryn ashý, aýyldyq kásipkerlikti damytý jáne qosymsha memlekettik qoldaý sharalaryn júzege asyrý qajet ekeni atalyp ótti.

Budan buryn habarlanǵandaı, atalǵan parlamenttik tyńdaýda senator Aqylbek Kúrishbaev aýyldyq aımaqtardy damytý máselelerin basqarýdy Ulttyq ekonomıka mınıstrligi qaramaǵynan alyp Aýyl sharýashylyǵy mınıstrligine berý kerektigin usyndy.



Joǵary qaraı