Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Aýyldaǵy alǵashqy «servıstik ákimdik» SQO-da ashyldy

2020 jyldyń 25 qazan 2020 04:03

PETROPAVL. QazAqparat – Soltústik Qazaqstan oblysynda jumys babymen júrgen Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, Kellerovka aýylyndaǵy «Ashyq ákimdik» front-keńsesiniń ashylýyna qatysty, dep habarlaıdy QazAqparat tilshisi.

SQO Taıynsha aýdanynyń Kellerovka eldimekeninde iske qosylǵan servıstik ákimdik, bul - aýylda jumysyn bastaǵan alǵashqy front-keńse. Endi aýyldyq okrýg turǵyndary ákim apparatynyń mamandary men veterınarlyq dárigerdiń kómegine osy ortalyqqa júgine alady. Front-keńsede budan basqa ótinishterdi qabyldaý sektory, ózine-ózi qyzmet kórsetý orny bar.

«Men aýyl halqyna memlekettik qyzmetterdi barynsha qoljetimdi etý úshin munda jaqsy jaǵdaı jasalǵan dep esepteımin. Bastalǵan jumystyń sońy bar. Endi turǵyndardy tsıfrlyq saýattylyqqa úıretý kerek. HQKO tájirıbesine saı, tólemder úshin bankomattar men termınaldar ornatý qajet», - dedi Alık Shpekbaev.





Antıkor jetekshisi Prezıdenttiń tapsyrmasy men halyqaralyq standarttarǵa saı bolý úshin memlekettik qyzmet kórsetýlerdi 100% elektrondy nusqaǵa aýdarý qajettigin erekshe atap ótti. Elektrondy úkimettiń damýy boıynsha búgingi tańda Qazaqstan BUU elderi arasynda 194 memlekettiń ishinde 28 orynda tur. Bul - respýblıkada tsıfrovızatsııanyń damý qarqynynyń jyldamdyǵyn dáleldeıdi.

«Ashyq ákimdik» qoǵamdyq qabyldaý túrinde de qyzmet atqaratyn bolady. Endi aýyldyq okrýg ákimi birinshi qabatta «open space» kabınette ornalasady. Jeke qabyldaýǵa kelgenderge bul óte qolaıly.

«Bizdiń maqsatymyz – túrli qyzmetterdi bir orynda kórsetý arqyly adamdardyń ýaqytyn únemdeý. Buǵan deıin, máseleni sheshý úshin shartty túrde 10-15 kún qajet bolsa, búginde nebári 2-3 kún ǵana ketedi», - dedi oblys ákimi Qumar Aqsaqalov.





Ortalyqtyń ashylǵanyna aýyl turǵyndary dán rıza. Óıtkeni endi kómek alý úshin aýdan ortalyǵyna barýdyń qajeti joq. Aıta ketý kerek, Kellerovka eldimekeni buryn aýdan ortalyǵy bolǵan.

Agenttik Tóraǵasy Ilık Shpekbaev sapary barysynda Petropavl qalasyndaǵy «AGROKÓMEK» servıstik ortalyǵynyń ashylýyna da qatysady.








Joǵary qaraı