Aýa raıy
Astana -15 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl turǵynynyń urlanǵan 25 qoıany kórshiniń úıinen tabyldy - SQO

2020 jyldyń 3 jeltoqsan 2020 03:30

PETROPAVL. QazAqparat – Soltústik Qazaqstan oblysynda kórshisiniń qorasyna túsip, 25 qoıandy qoldy etken aýyl turǵyny ıisshil ıttiń kómegimen ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Ǵ. Músirepov atyndaǵy aýdannyń polıtsııa bólimine 28 qarasha kúni 67 jastaǵy aýyl turǵyny júgingen. Ol tańǵy saǵat 6.00 shamasynda qorasyndaǵy 25 qoıandy ornynan tappaǵan.

Oqıǵa ornyna ýchaskelik polıtsııa ınspektory men jedel-tergeý toby keldi. Olar úı qoıandarynyń urlanǵanyna kóz jetkizgennen keıin uryny anyqtaý úshin ınspektor-kınolog Ómirserik Birimniń kómegimen Aramıs atty ıtti qoldandy.

Nemis ovcharkasy polıtseılerdi 22 jastaǵy jigit turatyn kórshi úıge alyp keldi. Tártip saqshylary onyń qorasynan urlanǵan janýarlardy tapty.

Atalǵan fakti «Urlyq» baby boıynsha tirkeldi.

Kúdiktige qatysty kelý týraly mindetteme túrindegi májbúrleý sharasy qabyldandy. Urlanǵan qoıandar ıesine qaıtaryldy.

«Urlyqtan kelgen jalpy shyǵyn mólsheri - 75 myń teńge. Bul –zeınetker úshin aıtarlyqtaı qarajat. Turǵyndarǵa aıtarymyz: urylarǵa jem bolmaý úshin qora-qopsyna myqty tıek paıdalanǵany jón. Al urlyq jasalǵan jaǵdaıda dereý polıtsııaǵa habarlaý qajet. Bul qylmysty «izin sýytpaı» ashýǵa múmkindik beredi», - deıdi aýdandyq polıtsııa bóliminiń bastyǵy Marat Áljanov.


Joǵary qaraı