Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl sharýashylyǵy mınıstri bıylǵy astyq túsimine boljam jasady

2021 jyldyń 18 qazan 2021 16:33

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev bıylǵy astyq ónimine boljamyn aıtty, dep habarlaıdy QazAqparat tilshisi.

«Shynynda da, bıyl astyq ónimderiniń túsimi ótken jylmen salystyrǵanda tómen boldy. Astyq boıynsha bizde shamamen 16 mln teńge bolady dep josparlap otyrmyz. Ónimdilik – ortasha. Jalpy ónimdilik 10 tsentner deńgeıinde baıqaldy. Biz qazir jınap otyrǵan kólemniń ishki qajettilikti óteý úshin jetkilikti bolatynyn aıtqym keledi. Al ishki qajettilik - nan men azyq-túlikke arnalǵan bıdaı. Árıne bizde tuqymdyq materıal retinde 2 mln tonna astyq ketedi, sondaı-aq mal sharýashylyǵynda jem astyǵy qarqyndy paıdalanylady. Tıisinshe, eksporttyq áleýettiń kólemi balansqa kiretin 3 mln tonna astyqty eskeredi. Bizdiń eksporttyq áleýetimiz shamamen 6,5 mln tonnany quraıdy», - dedi mınıstr ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, jalpy BUU Azyq túlik jáne aýyl sharýashylyǵy uıymy orta merzimdi perspektıvada azyq-túlik tobyna ósim bolady degen boljam bar.

«Іshki baǵalarǵa kelsek, astyq jáne onyń qaıta óńdelgen ónimi – un eksporttyq taýar ekenin eskersek, osy ónimderge álemdik baǵalardyń konıýnktýrasyna tikeleı baılanysty. Jalpy, osyǵan baılanysty baǵanyń ósýi baıqalady. Degenmen, birqatar óńirlerde ónimdiliktiń tómen bolǵanyn eskersek, tıisinshe fermerlerde de eleýli shyǵyn boldy jáne astyqtyń ózindik quny ósti. Osyǵan baılanysty astyq baǵasynyń ósýi bir jaǵynan fermerlerdiń qarjylyq jaǵdaıyna jaǵymdy áser etedi, óıtkeni eksporttyq túsim esebinen kelesi jyldyń kóktemgi-dalalyq jumystaryn tabysty júrgizý úshin barlyq sharalar keshenin daıyndaý qajet», - dep túsindirdi mınıstr.

Sonymen birge, E. Qarashókeev nan baǵasynyń mańyzdy máselelerdiń biri ekenin atap ótti.

«Biz nan baǵasynyń turaqtylyǵyn qamtamasyz etý boıynsha birqatar shara qabyldap jatyrmyz. Birinshiden, nan óndiretin barlyq kásiporyndardy astyqpen, unmen qamtamasyz etý. Osy maqsatta Azyq-túlik kelisimshart korporatsııasy memlekettik rezervterden arzandatylǵan astyqty áleýmettik nan pisirýge un tartý kásipornyna jiberýi úshin qazirgi zańnamaǵa ózgerister engizemiz. Úkimet bul máseleni turaqty baqylaýda ustap otyr. Óńirler turaqtandyrý qorlarynda nan-toqash ónimderin jasaý úshin un jınaıdy. Jańa jyldan keıin bul jumysqa Azyq-túlik kelisimshart korporatsııasy qosylady. Ózderińiz biletindeı, korporatsııa forvardtyq satyp alý esebinen shamamen 680 myń tonna astyq satyp aldy, jartysynan kóbi forvardtyq satyp alý boıynsha jetkizildi», - dep túsindirdi mınıstr.


Joǵary qaraı