Aýa raıy
Astana -15 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

«Aýyl» partııasynyń ókilderi Aqmola oblysyn aralady

2020 jyldyń 14 qazan 2020 20:10

AQMOLA OBLYSY. QazAqparat - «Aýyl» halyqtyq-demokratııalyq patrıottyq partııasynyń ókilderi Aqmola oblysy, Bulandy aýdany, Qaraózek aýylynyń el-jurtymen kezdesip, halyqtyń muń-muqtajyn tyńdady, dep habarlaıdy QazAqparat tilshisi.

«Bizdiń aýyldyń qordalanyp qalǵan problemalary jetkilikti. Sonyń negizgilerine toqtalsam, aldymen aýyz sý. Halyq taza sýǵa zárý jáne bul máseleniń sheshilmeı kele jatqanyna biraz ýaqyt boldy. Kóligi bar turǵyndar aýyz sýdy qanshama shaqyrym jerden tasyp ishedi. Al múmkindigi joq kisiler amal joq, tuzdy sýdy iship otyr. Aýyl ákimi kelesi jyly aýyz sýmen qamtamasyz etemiz dep otyr. Ony ýaqyt kórsete jatar, buǵan deıin de sý keledi dep ýáde berilgen. Ekinshi másele, mal jaıylymynyń joqtyǵy. Mundaǵy halyqtyń negizgi tirshiligi mal sharýashylyǵy, al ony baǵatyn jer joq. Sebebi aýyldyń mańy qaptaǵan orman, odan qalǵany jeke sharýashylyqtardyń jeri. Ol jerlerge egin egip tastaǵan. ıAǵnı mal baǵatyn jer joq. Osy aýyldyń jerin 3 iri ferma paıdalanady. Barlyǵy da jeke kásipkerler. Olar bizdiń aýyldyń jerin paıdalanǵanymen bizge esh paıdasy joq», - dedi Qaraózek aýylynyń turǵyny Qabylqan Elesh.





Turǵyndarynyń aıtýlarynsha, aýyldaǵy áleýmettik nysandardyń da azyq-tozyǵy shyqqan.

«Aýylymyzda tek mektep pen medıtsınalyq beket qana bar. Basqa halyqqa qajetti nysandar iske aspaı qırap jatyr. Kezinde mádenıet úıi, naýbaıhana, ashana bolǵan, qazir olardyń bireýi de jumys istemeıdi. Aýyldaǵy joldyń máselesi de máz emes. Aıta bersek, bizdi mazalaıtyn problema jetkilikti. Sonyń ishinde eń qıyny mal baǵatyn jaıylymnyń bolmaýy. Halyq malmen kún kórip otyr. Al jerdiń bárin jeke sharaýashylyq ıeleri satyp alǵan. Sondyqtan da osy máselelerdi «Aýyl» partııasy arqyly bılik ókilderine jetkizgimiz keledi», - deıdi ol.

Jergilikti ákimdiktiń málimetine súıensek, Qaraózek aýylynda 230 otbasy turady, halyqtyń sany 981.

Sondaı-aq, aýyldyń jalpy jer aýmaǵy 15 myńnan astam gektardy qurasa, onyń 10 myń ga egin alqaby alyp jatyr. Sol sııaqty aýyl turǵyndarynyń 1 myńǵa jýyq iri qara jáne 2 myńdaı usaq maly bar.

«Aldymen sý máselesine kelsek, bıyl sý tartý qolǵa alyndy. Búginde jobalyq smetasy ázirlenip jatyr. Bıýdjeti bekitilse 2021-2022 jyldary aýyl turǵyndary aýyz sýmen qamtylady degen úmittemiz. Endi mal jaıylymyna kelsek, bul burynnan kele jatyrǵan másele. Sebebi kezinde aýyl mańyndaǵy jerler jeke sharýashylyqtarǵa 49 jylǵa jalǵa berilgen. Búginde jer solardyń jeke menshigi bolyp otyr, ıaǵnı ıeleri bermeıdi. Jer máselesi jyl saıyn aıtylyp, qozǵalady sondyqtan ony zań kóleminde sheshpese, basqasha jol joq. Áleýmettik nysandar týraly aıtar bolsam. Olarda jeke menshik ıeliginde. Nysan basshylarymen de talaı kezdesip halyqqa paıdalanýǵa berý týraly usynys berdik, biraq odan nátıjesi shyqpady. Esesine búginde ol ǵımarattar qırap bos jatyr», - dedi Qaraózek aýylynyń ákimi Qorqytbaı Muhamádıev.





Qaraózek turǵyndarynyń muń-muqtajyn tyńdaýǵa arnaıy barǵan «Aýyl» partııasy tóraǵasynyń orynbasary Tóleýtaı Raqymbekov óz kezeginde joǵarydaǵy máselelerge qatysty partııanyń ustanymyn alǵa tartty.

«Bul aýyldyń turǵyndary bizdiń partııaǵa arnaıy hat joldap, óz máselelerin qarastyrýdy ótingen bolatyn. Osyǵan baılanysty biz búgin aýyl turǵyndarymen kezdesip, problemalardy óz aýyzdarynan estýdi jón kórdik. Bir aıtyp óterligi, osy jerde aıtylǵan problemalar elimizdegi kóp aýyldarǵa tán. ıAǵnı sol baǵy aýyz sý, jol jáne taǵy basqa máseleler. Partııa atynan aıtarym, atalǵan máselelerdiń sheshilýine atsalysatyn bolamyz. Aýyl turǵyndarynyń amanatyn quzyrly mekemelerge jetkizemiz»- dedi T. Raqymbekov halyqpen kezdesý barysynda.








Joǵary qaraı