Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

«Aýyl» partııasy elordada aǵash otyrǵyzý aktsııasyn uıymdastyrdy

2020 jyldyń 24 qazan 2020 11:01

NUR-SULTAN. QazAqparat – «Aýyl» partııasynyń Nur-Sultan qalasyndaǵy fılıalynyń ókilderi men stýdentter elordady aǵash otyrǵyzý aktsııasyn uıymdastyrdy, dep habarlaıdy QazAqparat tilshisi.

«Búgin partııanyń jastar qanatymen birlese aǵash otyrǵyzý aktsııasyn ótkizip jatyrmyz. Sonymen qatar bul shara qaladaǵy tazalyqqa úles qosý maqsatynda uıymdastyryldy. Qystyń aldynda kóshelerdiń tazalyǵyna óz úlesimizdi qospaqpyz. Shaharda kóktem men kúz mezgilinde osyndaı aktsııalarǵa erekshe ekpin qoıyp otyrmyz. Óıtkeni, osyndaı sharalardyń jastar úshin tárbıelik máni joǵary», - dedi «Aýyl» Halyqtyq-demokratııalyq patrıottyq partııasynyń Nur-Sultan qalasyndaǵy fılıalynyń tóraǵasy Meırambaı Oralov.

Aktsııa aıasynda Jumabek Táshenov jáne Taha Hýseın kósheleriniń qıylysynda 20-dan astam túp tal otyrǵyzyldy. Sharaǵa elordadaǵy joǵary oqý oryndarynyń stýdentteri qatysty.

«Partııa elimizdiń ózge de óńirlerinde osy tektes sharalardy uıymdastyrýda. Biz budan basqa da ekologııalyq sharalardy josparǵa engizdik. Qala aýmaǵyndaǵy parkterde tazalyq sharalaryna qatyspaqpyz. Jastardy kóbirek tartýǵa tyrysýdamyz, ıaǵnı jastar aǵashty ózderi ekse, olar qorshaǵan ortaǵa zııanyn keltirmeıtini anyq. Keıin ózderi otyrǵyzǵan aǵashtardyń kútimine mán beredi. Sondyqtan osyndaı ekologııalyq sharanyń tárbıelik jaǵyna basymdyq qoıamyz», - dedi ol.

Budan buryn habarlanǵandaı, bıyl Nur-Sultan qalasynda 6 mıllıonǵa jýyq gúl, 30 myń aǵash otyrǵyzý josparlanǵan edi.










Joǵary qaraı