Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aýyl balasyna Nazarbaev mektebine túsýge múmkindik bar

2021 jyldyń 26 aqpan 2021 15:16

ALMATY. QazAqparat - Búgin Almatyda hımııa-bıologııa baǵytyndaǵy Nazarbaev Zııatkerlik mektebi Qamqorshylyq keńesiniń birikken onlaın-otyrysy ótti, dep habarlaıdy QazAqparat tilshisi.

Otyrysqa bilim salasynyń bilikti mamandary qatysyp, Keńes qyzmeti men mekteptiń atalǵan saladaǵy jetistikteri jáne basym baǵyttary talqylandy.

Jıyn barysynda jalpy alańy 800 sharshy metr «NIS engineering LAB» ashyq tsıfrlyq tehnologııa zerthanasynyń mektep aýmaǵyndaǵy bolashaq qurylysy talqylandy. NIS-tiń jańa jobasy bolashaqta qalanyń barlyq jalpy bilim beretin mektepterdiń shákirtteri úshin de IT-startaptar men ǵylymı-zertteý qyzmetin damytýǵa arnalǵan Hub-alańyna aınalýy tıis.

Zııatkerlik bilim ordasy ótkizetin vebınarlar, semınarlar men sheberlik synyptarǵa óńirdiń myńnan astam pedagogy qatysady.

Sondaı-aq, NZM-ge oqýǵa túsý úshin konkýrstyq irikteýge qatysýǵa oqýshylardy belsendi tartý týraly másele de kóterildi. Qamqorlyq keńesiniń músheleri NZM-ge túsý emtıhandaryn alys aýdandardaǵy oqýshylardy jan-jaqty daıyndaý úshin múmkindik beretin algorıtmdi talqylady. ıAǵnı, shalǵaı aýyl oqýshylary da osy jerde bilim alatyn múmkindikke ıe bolatyn boldy.

Mekteptiń qamqorlyq keńesiniń kelesi otyrysy 2021 jyly sáýirde bolady.


Joǵary qaraı