Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Elena Rybakına úshinshi aınalymǵa shyǵa almady

2022 jyldyń 20 qańtar 2022 12:13

NUR-SULTAN. QazAqparat – Qazaqstannyń birinshi, álemniń 12-raketkasy Elena Rybakına Aýstralııa ashyq chempıonatynyń úshinshi aınalymyna óte almady, dep habarlaıdy QazAqparat tilshisi.

Jarystyń 12-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 74-orynda turǵan qytaılyq Chjan Shýaımen kortqa shyqty.

Birinshi partııada esep 4:4 bolǵan mezette qytaılyq sportshy breık jasap ketti – 6:4.

Ch.Shýaı ekinshi setti breıkpen bastady. Budan keıin Elena medıtsınalyq kómekke júginip, sálden soń matchty jalǵastyrýdan bas tartty.

Osylaısha Aýstralııa ashyq chempıonatynda jekeleı synda Qazaqstannan eshkim qalmady.

Qytaılyq tennısshi úshinshi aınalymda álemniń 26-raketkasy, belgııalyq Elıza Mertenspen kúsh synasady. Ol ekinshi kezdesýinde rýmynııalyq Irına Begýdi 6:3, 6:2 esebimen tize búktirdi.

Eske sala keteıik, budan buryn Anna Danılınanyń Aýstralııa ashyq chempıonatyn sátti bastaǵanyn, Aleksandr Býblıktiń jarys jolynan shyǵyp qalǵanyn jazǵan bolatynbyz.

Sondaı-aq Aleksandr Nedovesov Rolan Garros chempıonyn utty.


Avtor Eljan Eraly
Basty sózder: Sport,
Joǵary qaraı