Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Aýrýlarǵa qarsy tegin vaktsınalaý kimderge jasalady – Úkimet qaýlysy shyqty

2020 jyldyń 25 qyrkúıek 2020 19:47

NUR-SULTAN. QazAqparat – QR Úkimetiniń Qaýlysymen kepildendirilgen tegin medıtsınalyq kómek sheńberinde profılaktıkalyq vaktsınatsııa jasalýy tıis aýrýlardyń túrleri bekitildi. Sondaı-aq qujatta egý merzimderi men onyń kimderge jasalatyny kórsetilgen, dep habarlaıdy QazAqparat.

Qujatqa sáıkes, kelesi ınfektsııalyq jáne parazıttik aýrýlarǵa qarsy mindetti profılaktıkalyq ekpeler (vaktsınalar men basqa da ımmýndyq bıologııalyq preparattardy salý) respýblıkalyq bıýdjet qarajaty esebinen júrgiziledi:

1) josparly profılaktıkalyq ekpeler:

«V» vırýsty gepatıti;

b tıpti gemofıldik ınfektsııa;

dıfterııa;

kókjótel;

qyzylsha;

qyzamyq;

pnevmokokk ınfektsııasy;

polıomıelıt;

sirespe;

týberkýlez;

epıdemııalyq parotıt;

2) epıdemıologııalyq kórsetilimder boıynsha profılaktıkalyq ekpeler:

qutyrma;

ish súzegi;

kóktemgi-jazǵy kene entsefalıti;

oba.

Al kelesi ınfektsııalyq aýrýlarǵa qarsy epıdemıologııalyq kórsetilimder boıynsha mindetti profılaktıkalalyq ekpeler (vaktsınalar men basqa da ımmýndyq bıologııalyq preparattardy salý) jergilikti bıýdjetterdiń qarajaty esebinen júrgiziledi:

«A» vırýsty gepatıti;

tumaý;

kúıdirgi;

týlıaremııa.

Profılaktıkalyq ekpeler tegin jasalatyn halyq sanaty:

1) mindetti profılaktıkalyq ekpeler júrgizý belgilengen merzimderge sáıkes jasy boıynsha adamdar;

2) ınfektsııalyq aýrýlardyń (kóktemgi-jazǵy kene entsefalıti, kúıdirgi, týlıaremııa, oba) tabıǵı oshaqtarynda turatyn jáne jumys isteıtin turǵyndar;

3) óziniń kásibı qyzmetiniń túri boıynsha qater toptaryna jatatyn adamdar: medıtsına qyzmetkerleri («V» vırýsty gepatıti, tumaý); káriz jáne tazalaý qurylystarynyń qyzmetkerleri (ish súzegi);

4) óz densaýlyǵynyń jaǵdaıy boıynsha qater toptaryna jatatyn adamdar, onyń ishinde: qan quıylǵan adamdar («V» vırýsty gepatıti); medıtsınalyq uıymda dıspanserlik esepte turǵan balalar (tumaý);

5) balalar úıleriniń, sábıler úıleriniń balalary, qarttar úıleriniń kontıngenti (tumaý);

6) kez kelgen janýar tistegen, silekeıin jaqqan adamdar (qutyrma);

7) jaraqat alǵan, teri qabattary men shyryshty qabyqtarynyń tutastyǵy buzylyp jaralanǵan adamdar (sirespe);

8) vaktsınatsııa epıdemıologııalyq kórsetilimder boıynsha júrgiziletin ınfektsııalyq syrqattaný deńgeıi joǵary óńirlerde turatyn adamdar («A» vırýsty gepatıti, tumaý, qyzylsha, qyzamyq, epıdemııalyq parotıt).

Profılaktıkalyq ekpelerdi júrgizý merzimderin myna siltemeden kórýge bolady.


Avtor Mıra Tólendiqyzy
Basty sózder: QR Úkimeti, Medıtsına,
Joǵary qaraı