Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Aýrýhanalar onkologııalyq preparattarmen qamtamasyz etildi - Baǵdat Qojahmetov

2020 jyldyń 18 qyrkúıek 2020 19:15

NUR-SULTAN. QazAqparat - QR Densaýlyq saqtaý mınıstrliginiń resmı ókili Baǵdat Qojahmetov elimizde onkologııalyq tegin preparattarmen qamtamasyz etý máselesine qatysty jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda koronavırýs indetiniń taralýy kezeńinde, ıaǵnı kóktem men jazǵy maýsymda onkologııalyq tegin preparattarmen qamtamasyz etý deńgeıine qatysty saýal qoıyldy. Sebebi jyl basynda «SQ-Farmatsııa» onkologııalyq tegin preparattyń jetpeı qalýyna qatysty túsinik bergen edi.

Óz kezeginde resmı ókil qazirgi kezde bul máseleler tolyqtaı sheshilgenin aıtty.

«Qazaqstandaǵy kez kelgen onkologııaǵa em-dom jasaıtyn aýrýhanalarda dári-dármek jaǵynan eshqandaı problema joq», - dep naqtylady Baǵdat Qojahmetov.

Budan buryn habarlanǵandaı, Ortalyq kommýnıkatsııalar qyzmetinde Roza Qojapova QR Bas memlekettik sanıtarııalyq dárigeriniń № 53 qaýlysyna túsinik berdi.

Demalys jáne mereke kúnderindegi shekteý sharalaryna toqtalsaq, saýda úıleri, saýda oıyn-saýyq ortalyqtarynyń jumysyn toqtata turý burynǵysynsha saqtalady. Odan basqa, jabyq azyq-túlik jáne azyq-túlik emes bazarlarynyń jumysyn toqtata turý boıynsha shekteý sharalary da saqtalady.


Joǵary qaraı