Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstannyń jańa bıligi jastardyń Qazaqstanda bilim alýyna kedergi bolmaıdy dep úmittenemin - Toqaev

2021 jyldyń 17 qyrkúıek 2021 16:44

DÝShANBE. QazAqparat – Aýǵanstannyń jańa bıligi jastardyń Qazaqstanda bilim alýyna kedergi bolmaıdy dep úmittenemin. Dýshanbede ótken ShYU-ǵa múshe memleketter basshylary keńesinde QR Prezıdenti Qasym-Jomart Toqaev osylaı aıtty, dep habarlaıdy QazAqparat tilshisi.

«Aýǵanstandaǵy gýmanıtarlyq daǵdarystyń ótkir fazasyn eńsergennen keıin barynsha túrli baǵyttarda BUU ınstıtýttary tarapynan júıeli qoldaý odan ary da qajet bolady. Almatyda BUU-nyń óńirlik habyn qurý bul jumystardy úılestirý úshin ońtaıly uıymdastyrýshylyq múmkinshilikterdi ashar edi. Aýǵan problemasyna qatysty ózara is-qımylda kezek kúttirmeıtin mindetterdi sheshýden bólek munan arǵy kókjıekti de nazardan tys qaldyrmaýymyz kerek. Saıası jáne gýmanıtarlyq ahýal qalaı qalyptassa da adamı kapıtalǵa salynǵan ınvestıtsııa ǵana uzaqmerzimdi keleshekte turaqty bolashaqty qamtamasyz ete alady», - dedi Qazaqstan Prezıdenti.

Osyǵan oraı Qasym-Jomart Toqaev Aýǵanstan azamattary úshin bilim berý baǵdarlamalaryn jalǵastyra berý mańyzdy ekendigin aıryqsha atap ótti.

«Búginde Qazaqstanda Aýǵanstannan shamamen 200 stýdent bilim alady. Aýǵanstannyń jańa bıligi tarapynan osy jastardyń joǵary bilim alýyna kedergi bolmaıdy dep úmittenemin», - dedi Memleket basshysy.


Joǵary qaraı