Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstannyń 2 azamatyn Reseıge zańsyz ótkizbek bolǵan qazaqstandyqqa sot úkimi shyqty

2021 jyldyń 25 qazan 2021 13:28

NUR-SULTAN. QazAqparat – Aýǵanstannyń 2 azamatyn Reseıge zańsyz ótkizbek bolǵan qazaqstandyqqa sot úkimi shyqty. Bul týraly QR ІІM Kóshi-qon qyzmetiniń erekshe tapsyrmalar jónindegi aǵa ınspektory Baýyrjan Omarov málim etti, dep habarlaıdy QazAqparat tilshisi.

«Ótken aptada ǵana Qostanaı oblystyq soty Aýǵanstannyń eki azamatyn tún ishinde memlekettik shekaradaǵy ótkizý pýnktterin aınalyp ótip, Reseıge zańsyz kóshi-qon uıymdastyrmaq bolǵan Qazaqstan azamatyna úkim shyǵardy», - dedi ol Іshki ister mınıstrliginde ótken brıfıng barysynda.

Sonymen qatar ol sheteldikterdiń elimizdiń aýmaǵynda ruqsat qujattaryn alýdyń zańsyz jańa túri paıda bolǵanyn aıtady.

«Máselen, Almaty qalasynda bir páterde tirkelgen 7 jaýapkershiligi shekteýli seriktestigi anyqtaldy. Olar eshqandaı qyzmet atqarmaǵan, bıýdjetke salyq ta, tólemder de jasamaǵan. Biraq, atalǵan zańdy tulǵalar sheteldikterge 16 vıza rásimdegen. Bul fakti boıynsha tergeý bastaldy», - dedi Baýyrjan Omarov.


Avtor Marlan Jıembaı
Basty sózder: Aýǵanstan, Reseı, Sot,
Joǵary qaraı