Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aýǵanstannan Koreıaǵa evakýatsııalanǵan 85 oqýshy jergilikti mektepterde oqıtyn boldy

2022 jyldyń 21 naýryz 2022 21:44

ÝLSAN. YONHAP-QazAqparat - Ótken jyly tálipterden qashyp Ońtústik Koreıany panalaǵan ondaǵan aýǵandyq mektep oqýshysy dúısenbi kúni eldiń ońtústik-shyǵysyndaǵy Ýlsan qalasyndaǵy jergilikti mektepterge bardy. Bul týraly QazAqparat YONHAP agenttigine silteme jasap habarlaıdy.

Ótken jyldyń tamyz aıynda Ońtústik Koreıa 391 aýǵan qyzmetkerin jáne olardyń otbasylaryn ushaq arqyly ákelgen bolatyn. Ótken aıda 29 otbasy Seýlden ońtústik-shyǵysqa qaraı 415 shaqyrym jerde ornalasqan Ýlsan qalasyna qonystandy.

Ýlsan qalalyq bilim basqarmasynyń málimeti boıynsha, barlyǵy 85 oqýshy - 16 mektep jasyna deıingi, 28 bastaýysh synyp oqýshysy, 19 orta mektep oqýshysy jáne 22 joǵary synyp oqýshysy jergilikti mektepterge alǵash ret bardy.

Balalar úsh arnaıy synypqa bólinip, oqýshynyń úlgerim deńgeıine qaraı alty aıdan 12 aıǵa deıin koreı tili men mádenıetinen sabaq alatyn boldy.


Basty sózder: Ońtústik Koreıa, Aýǵanstan, Bilim, Álem,
Joǵary qaraı