Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstanǵa halyqaralyq kómek jetkizý úshin Almatyda gýmanıtarlyq hab uıymdastyrý kerek – Toqaev

2021 jyldyń 17 qyrkúıek 2021 13:30

DÝShANBE. QazAqparat – Aýǵanstanǵa halyqaralyq kómek jetkizý úshin Almatyda Shanhaı yntymaqtastyq uıymynyń gýmanıtarlyq habyn uıymdastyrý kerek. Mundaı usynysty Dýshanbede ótip jatqan ShYU-ǵa múshe memleketter basshylary keńesinde QR Prezıdenti Qasym-Jomart Toqaev jasady, dep habarlaıdy QazAqparat tilshisi.

«Qazaqstan Aýǵanstan bolashaǵyn óz-ózimen jáne óziniń kórshilermen beıbit ómir súretin naǵyz táýelsiz ári birtutas memleket retinde kóredi. Osynaý taǵdyrsheshti tarıhı sátte Aýǵanstannyń kópultty halqy teńdessiz qıyndyqtarmen betpe-bet jalǵyz qalmaýy tıis. ShYU úlken yqpalynyń arqasynda bul eldiń beıbitshilik pen kelisimge qol jetkizýinde belsendi ról atqarýy tıis dep sanaımyn. Ujymdyq kúsh-jigermen ǵana qazirgi syn-tegeýirindermen kúreste óńirlik qaýipsizdikti qamtamasyz ete alamyz», - dedi Qazaqstan Prezıdenti.

Memleket basshysy Qazaqstan óz tarapynan Aýǵanstannan baqylaýsyz kóshi-qonnyń oryn alýynyń, destrýktıvti ıdeologııanyń, esirtkiniń taralýynyń jolyn kesý úshin óńirlik seriktesterimen ózara is-qımyldy kúsheıtetindigin basa aıtty.

«Sonymen qatar Aýǵanstan tap bolǵan ózekti gýmanıtarlyq jáne ekonomıkalyq problemalardy sheshý úshin jan-jaqty kómek kórsetýge daıynbyz. Qazaqstannyń qoldanystaǵy ınfraqurylymdary men logıstıkalyq múmkinshilikterin eskere otyryp, Aýǵanstanǵa halyqaralyq kómek jetkizý úshin Almatyda ShYU-nyń gýmanıtarlyq habyn uıymdastyrýdy usynamyz», - dedi Qasym-Jomart Toqaev.


Joǵary qaraı