Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstanǵa 28 tonna medıtsınalyq júk jetkizildi

2021 jyldyń 23 qazan 2021 16:13

BRıÝSSELЬ. QazAqparat – Osy aptada ótken Eýroodaq kóshbasshylarynyń sammıtinde múshe elder Aýǵanstandaǵy jaǵdaıdy taǵy da talqyǵa saldy, dep habarlaıdy QazAqparattyń menshikti tilshisi.

Eýropalyq komıssııa basshysy Ý. Lıaıen Eýroodaqtyń Aýǵanstan halqy men oǵan irgeles jatqan elderge gýmanıtarlyq kómek retinde 1 mıllıard eýro jiberetinin rastady.

Odan bólek, Eýrokomıssııa EO-nyń gýmanıtarlyq áýe reısiniń arqasynda asa qajet 28 tonna medıtsınalyq júktiń jetkizilgenin habarlady.

EO qarjylandyratyn áýe reısteri Dúnıejúzilik densaýlyq saqtaý uıymy men gýmanıtarlyq uıymdarǵa asa qajet medıtsınalyq kómekti muqtaj jandarǵa jetkizýge múmkindik beredi.

«Bul EO-nyń osy jyldyń tamyzynan bastap jibergen úshinshi gýmanıtarlyq reısi. Bul áýe reısi medıtsınalyq kómekke muqtaj aýǵandyqtarǵa «qutqarý beldemshesi» ispetti. Alaıda gýmanıtarlyq ahýal nasharlap bara jatyr. Kele jatqan qysty eskere otyryp, barlyq halyqaralyq qaýymdastyqtardy mıllıondaǵan aýǵandyqtarǵa kómek kórsetýge shaqyramyn», - dedi EO-nyń daǵdarystyq jaǵdaılardy basqarý jónindegi komıssary ıAnez Lenarchıch.

Júk ota jasaýǵa arnalǵan quraldar men medıtsınalyq preparattardan turady. Buǵan qosa, aldaǵy ýaqytta Kabýlǵa taǵy da gýmanıtarlyq júk jiberý josparlanǵan.


Arnur Rahymbekov


Basty sózder: Halyqaralyq uıymdar, Aýǵanstan,
Joǵary qaraı