Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýlyq turǵyn polıtsııaǵa 1944 jyly shyqqan tapansha tapsyrdy

2022 jyldyń 13 mamyr 2022 06:08

ATYRAÝ. QazAqparat – Atyraý turǵyndary tapsyrǵan 41 zańsyz qarý 2,8 mln teńgege baǵalandy, dep habarlaıdy QazAqparat.

Oblystyq polıtsııa departamentiniń baspasóz qyzmetinen málim etkendeı, 25 sáýirden beri 37 adamnan qarý tapsyrý týraly ótinish túsken.

«Zańsyz qarýdy tapsyrý aktsııasy qoǵamdyq qaýipsizdikti qamtamasyz etý, atys qarýyn, oq-dáriler men jarylǵysh zattardan bolatyn zardaptyń aldyn alý maqsatynda qolǵa alynyp otyr. Atalǵan aktsııa bastalǵannan beri 37 adam polıtsııaǵa zańsyz saqtalyp kelgen qarýlardy óz erkimen tapsyrý týraly nıet bildirdi. Turǵyndar óz erkimen 36 tegis uńǵyly, 5 ıir oıyqty qarý tapsyrdy. Polıtsııaǵa tapsyrylǵan qarýlar 2 mln 852 myń 460 teńgege baǵalandy», - dep habarlady departamenttiń baspasóz qyzmeti.

Máselen, Qurmanǵazy aýdanynyń turǵyndary 1892 jyly shyǵarylǵan «Mosına» markaly vıntovkasy men «Shpagın» pýlemetiniń tapanshasyn tapsyrǵan. Tapanshanyń 1944 jyly zaýyttan shyǵarylǵany belgili bolǵan.

«Mundaı eski qarýlardy keıingi urpaqqa mura retinde saqtaýdyń qaýpi basym. Óıtkeni, qarýdy zańsyz saqtaý adam ómirin ókinishke uryndarar zardapqa soqtyrýy múmkin. Sol sebepten, zańsyz saqtalǵan atys qarýlar men oq-dárilerdi ishki ister organdaryna óz erkimen tapsyrǵan azamattar qylmystyq, ákimshilik jaýapkershilikten bosatylady», -dep málim etti baspasóz qyzmetinen.

Zańsyz saqtalǵan qarýlar men oq-dárilerdi tapsyrǵan adamdarǵa syıaq Іshki ister mınıstriniń «Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalaryna bekitý týraly» buıryǵynyń talaptaryna sáıkes tólenetin bolady.

Eske sala ketelik, Atyraýda 1892 jylǵy vıntovka men soǵystan qalǵan tapansha polıtsııaǵa tapsyrylǵanyn habarlaǵan bolatynbyz.


Avtor Bek Mustafa
Basty sózder: Polıtsııa, Atyraý oblysy,
Joǵary qaraı