Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýlyq belsendi «Nóldik qaldyqtar» uǵymyndaǵy dúken jobasyn iske qosty

2021 jyldyń 13 qazan 2021 22:53

ATYRAÝ. QazAqparat – Atyraýlyq belsendi «Nóldik qaldyqtar» uǵymyndaǵy dúken jobasyn iske qosty, dep habarlaıdy QazAqparat.

Jergilikti belsendi Ásel Bısenovanyń aıtýynsha, maqsat – qoqystyń paıda bolýyn azaıtý arqyly ómir súrý ońaı ári qoljetimdi ekenin dáleldeý.

«Jyl saıyn polıgondar sany 1-2%-ǵa ósip otyr. Qazir polıgondardaǵy qaldyqtardyń shamamen 40%-yn plastıkalyq qaptamalar quraıdy. Qalǵany – karton men qaǵaz, shyny men plastık, metall men aǵash materıaldary. Qaldyqtar qaıta qalpyna keltirilmeıtin tabıǵı resýrstardan, energııa men sýdan, adam eńbeginen paıda bolady. Adamdar plastıkalyq qaptamalardy qysqa merzimdik qoldanystan soń qaldyq retinde tastaıdy. Polıgonda ydyraǵan qaptamalar flora men faýnanyń búlinýine ákelip soǵady. Al, adam aǵzasyna jınalǵan toksınder nebir aýrýlardy týdyryp, ómir súrý jasyn qysqartady», - deıdi Ásel Bısenova.




«Nóldik qaldyqtar» uǵymyndaǵy dúkennen qaptamasyz taýarlar, ólshenetin men quıylmaly materıaldar, bir rettik zattardyń balama nusqalary satylady. Sondaı-aq, dúkenge qaıta óńdeý úshin plastıkterdi, qaǵaz qaldyqtaryn, alıýmınıı men qańyltyr qutylardy, batareıkalar men shamdardy, toqylǵan nemese tyǵyz matadan jasalǵan buıymdardy, qolshatyrlar men bannerlerdi tapsyrýǵa bolady.

Eske sala ketelik, budan buryn Atyraý oblysynda zańsyz 130 qoqys úıindisi ǵaryshtan monıtorıngileý barysynda anyqtalǵanyn jazǵan bolatynbyz.





Avtor Bek Mustafa
Basty sózder: Ekologııa, Aımaq, Atyraý oblysy,
Joǵary qaraı