Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýǵa Reseıden kelgen 54 qazaqstandyqtan koronavırýs anyqtaldy

2021 jyldyń 3 tamyz 2021 15:03

ATYRAÝ. QazAqparat – Atyraýǵa Reseıden kelgen 54 qazaqstandyqtan koronavırýs anyqtaldy, dep habarlaıdy QazAqparat.

Oblystyq sanıtarııalyq-epıdemıologııalyq baqylaý departamenti baspasóz qyzmetiniń aqparatyna súıensek, 27 shildede Atyraý oblysy men Reseı Federatsııasynyń memlekettik shekarasyndaǵy «Qurmanǵazy» beketi arqyly 216 adam ótken.

«Memlekettik shekaradan ótkenderdiń arasynda 32 jolaýshy men halyqaralyq júk tasymaldaryn júzege asyratyn 184 júrgizýshi bar. Anyqtamasyz kelgen Qazaqstan Respýblıkasynyń 6 azamatynan alynǵan koronavırýs ınfektsııasyna qarsy PTR test zertteýi teris nátıje kórsetti. Al, byltyrǵy 6 qazannan beri Atyraý oblysyna 56 996 adam, onyń ishinde 8 577 jaıaý júrginshi, 48 419 júrgizýshi kelgen. Oblys aýmaǵyna kirýge anyqtamasyz kelgen 355 shetel azamatyna tyıym salyndy. Sondaı-aq, Qazaqstannyń 4 757 azamatyna PTR-testileý júrgizildi. Onyń ishinde 54 azamattan (49 júrgizýshi, 5 jolaýshy) COVID-19-dyń belgisi tabyldy», - dep habarlady departamenttiń baspasóz qyzmeti.

Eske sala ketelik, buǵan deıin Atyraý oblysynda jyl basynan beri karantın talaby 620 márte buzylǵanyn habarlaǵan edik.


Joǵary qaraı