Aýa raıy
Astana 8 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýdyń ınfektsııalyq aýrýhanasynda koronavırýs juqtyrǵan 28 naýqas jatyr

2020 jyldyń 25 qyrkúıek 2020 21:01

ATYRAÝ. QazAqparat – Atyraýdaǵy №2 oblystyq ınfektsııalyq aýrýhanada 28 naýqas em alyp jatyr, dep habarlaıdy QazAqparat.

Atalǵan aýrýhananyń bólim meńgerýshisi Jantóre Orysbaevanyń málimetinshe, №2 oblystyq ınfektsııalyq aýrýhanaǵa koronavırýs ınfektsııasymen túsken naýqastardyń 94 protsenti jazylyp shyqqan.

«Pandemııa kezinde aýrýhanaǵa túsken naýqastardyń 3,4 protsenti ólim jaǵdaıymen aıaqtaldy. Qaıǵyly jaǵdaıdyń oryn alýy birinshiden, naýqastardyń dárigerge keshigip habarlasýynan bolyp otyr. Ekinshiden, naýqastarda burynǵy sozylmaly aýrýy asqynǵan. Aýrýhanadan sondaı-aq, koronovırýs ınfektsııasymen 30 bala, 134 júkti áıel emdelip shyqty. Tórt áıelge shuǵyl ota jasaldy. Júkti áıelderdi qosymsha aýrýlaryna baılanysty endokrınolog, gematolog, kardıolog sekildi arnaıy dárigerlerden onlaın keńes alý arqyly emdedik» -deıdi Jantóre Orysbaeva.

Onyń aıtýynsha, qazir №2 oblystyq ınfektsııalyq aýrýhanada 28 naýqas em alýda. On naýqasqa koronovırýsty pnevmonııanyń anyqtalǵan túri, qalǵan emdelýshige koronovırýs tıpti pnevmonııa dıagnozy qoıylǵan. Patsıentterdiń jaǵdaıy turaqtalǵan. Eki naýqas jansaqtaý bóliminde jatyr.

Eske sala ketelik, budan buryn Atyraýdaǵy kardıoortalyqta 600-den astam koronavırýs juqtyrǵan naýqas emdelgen edi.


Joǵary qaraı