Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jyl basynan beri 400-den astam mas júrgizýshi jazalandy

2021 jyldyń 21 qyrkúıek 2021 13:08

ATYRAÝ. QazAqparat – Atyraýda jyl basynan beri mas kúıde rýlge otyrǵan 400-den astam júrgizýshi jazalandy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, jyl basynan beri mas kúıde kólik basqarǵan 400-den astam júrgizýshi ákimshilik jaýapkershilikke tartylǵan.

«Máselen, 17 qyrkúıekte saǵat 17:30 shamasynda Á.Moldaǵulova kóshesiniń boıynda «Hyundai Accent» pen «Hyundai Elantra» kólikteri soqtyǵysty. Oqıǵa ornyna jetken patrýldik polıtsııa qyzmetkerleri «Hyundai Accent» markaly avtokóligin basqarǵan 1983 jylǵy júrgizýshisiniń alkoglodik ishimdik iship, rýlge otyrǵanyn anyqtady» -dep habarlady departamenttiń baspasóz qyzmeti.

Kólikti mas kúıde júrgizgen 38 jastaǵy azamatqa qatysty QR Ákimshilik quqyqbuzýshylyq týraly Kodeksiniń 608-babynyń 3-bólimimen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý, osy baptyń birinshi bóliginde kózdelgen, jábirlenýshiniń densaýlyǵyna qylmystyq jazalanatyn is-áreket belgileri joq zııan keltirýge nemese kólik quraldaryn, júkterdi, jol qurylystary men ózge de qurylystardy ne ózge múlikti búldirýge ákep soqqan áreketter) ákimshilik hattama jasaqtalǵan. Sot sheshimimen kináli júrgizýshi 7 jylǵa kólik kuralyn basqarý quqyǵynan aıyrylyp, 20 táýlikke ákimshilik qamaýǵa alyndy.

Eske sala ketelik, buǵan deıin Atyraýda bir aptada 18 mas júrgizýshi ustalǵanyn jazǵan bolatynbyz.


Avtor Bek Mustafa
Basty sózder: Atyraý oblysy, Qoǵam,
Joǵary qaraı