Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda júkti áıel jedel járdem kóliginde bosandy

2021 jyldyń 11 qańtar 2021 23:35

ATYRAÝ. QazAqparat – Atyraýda feldsher jigit júkti áıeldi jedel járdem kóliginde bosandyryp aldy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, qala mańyndaǵy Erkinqala qala aýylynan shaqyrtý túsken. Jedel járdem stansasynyń №25 brıgadasy shaqyrtý ornyna 10 mınýtta jetken.

Oblystyq jedel járdem stansasy dırektorynyń orynbasary Nargız Baımoldaevanyń aıtýynsha, bul jaǵdaı jańa jyl merekesi qarsańynda oryn bolǵan.

«Jedel járdem kóliginde bolǵan feldsher júkti áıeldiń jaǵdaıyn tekserip, oblystyq perınataldyq ortalyqqa aparmaq bolady. Biraq júkti ana sábıin perzenthanaǵa jetpeı, jolda, jedel járdem kóliginde dúnıege ákeldi. Odan keıin bizdiń mamandar ana men náresteni oblystyq perınataldyq ortalyqqa jetkizdi. Dárigerler olardyń jaǵdaıyn qanaǵattanarlyq dep baǵalady. Bul – jedel járdemde bosanǵan 20 jastaǵy áıeldiń ekinshi júktiligi. Dúnıege kelgen ul balanyń salmaǵy 3 keliden asady, boıy – 48 santımetr», - deıdi Nargız Baımoldaeva.

Júkti anany bosandyrý kezinde mindetin kásibı deńgeıde saýatty atqarǵan feldsher Maǵjan Súıinǵalıevtyń jasy – 26-da. Ol osymen tórtinshi ret jedel járdem kóliginde júkti áıeldi bosandyrǵan.

«Júkti analar dárigerlermen keńesip, bosaný ortalyqtaryna barǵany jón. Dárigerdiń baqylaýymen aldyn ala synamalar tapsyryp, qaýipsiz jaǵdaıda bosanýdyń balanyń densaýlyǵyn saqtaý úshin mańyzdy zor», - deıdi feldsher.

Eske sala ketelik, buǵan deıin Atyraý oblysynda túske deıin 23 bala ómirge kelgenin habarlaǵan edik.


Avtor Bek Mustafa
Basty sózder: Oqıǵa, Medıtsına, Atyraý oblysy,
Joǵary qaraı