Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jol jıegindegi qorshaý mal júrmes úshin tokqa qosyldy

2021 jyldyń 19 qyrkúıek 2021 06:13

ATYRAÝ. QazAqparat – Atyraý oblysynda jol jıegine elektr jelisine jalǵanǵan lenta ornatyldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, mundaı ádis qaraýsyz maldyń jolǵa shyǵyp ketýine tosqaýyl bolady.

«Jol-kólik oqıǵalarynyń aldyn alý maqsatynda halyqaralyq «Aqtóbe-Atyraý-RF shekarasy» tas jolynyń 574-shaqyrymynda jol jıegine uzyndyǵy 1 myń metrlik tok kózine jalǵanǵan lenta qorshaýy ornatyldy. Tok kózi janýarlarǵa qaýipti emes. Atalǵan qorshaý avtokólik qaýipsizdigi úshin úı janýarlarynyń tas jolǵa shyǵýyna tosqaýyl bolady. Aldaǵy ýaqytta osyndaı tokqa jalǵanǵan lentalardy respýblıkalyq jáne oblystyq mańyzy bar tas joldar boıyndaǵy eldi mekenderdiń tusyna ornatý kózdelip otyr. Onyń uzyndyǵy 10 shaqyrym. Ony ornatý jergilikti atqarýshy organ mekemelerimen birlesip júrgiziledi», - dep habarlady departamenttiń baspasóz qyzmeti.

Eske sala ketelik, budan buryn Atyraý-Inder jolyna polıtsııa kóligi men maldyń maketi qoıylǵanyn jazǵan bolatynbyz.


Joǵary qaraı