Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jeńgetaılyqpen aınalysqan áıel túrmege qamaldy

2020 jyldyń 29 qazan 2020 12:58

ATYRAÝ. QazAqparat – Atyraýda bes jyl buryn jeńgetaılyq qyzmet usynyp, prıton ustaǵan áıel túrmege qamaldy, dep habarlaıdy QazAqparat.

Atyraý qalalyq probatsııa qyzmetiniń málimetinshe, sottalǵan áıeldiń eki balasy bar.

«Bul áıel 2015 jylǵy qyrkúıekte Kámeletke tolmaǵandar isteri jónindegi mamandandyrylǵan aýdanaralyq sotynyń úkimimen QR Qylmystyq Kodeksiniń 309-babymen (Jezókshelikpen aınalysýǵa arnalǵan prıtondar uıymdastyrý nemese olardy

ustaý jáne jeńgetaılyq) aıypty dep tanyldy. Oǵan bes jyl merzimge bas bostandyǵynan aıyrý jazasy taǵaıyndalǵan edi. Alaıda sot onyń kishkentaı

balalalaryn eskerip, jaza óteý merzimi bes jylǵa keıinge qaldyrǵan bolatyn», -deıdi Atyraý qalalyq probatsııa qyzmetiniń ınspektory Aızere Daýletbaeva.

Bıyl sottalǵan azamatshanyń jazasyn óteý merziminiń shegerilgen ýaqyty aıaqtalǵan.

Osyǵan baılanysty Atyraý qalalyq probatsııa qyzmeti sottalýshynyń negizgi jazasy boıynsha sheshim qabyldaý úshin Atyraý qalalyq №2 sotyna usynym joldady. Sot sheshimimen azamatsha ÝG-157/9 (Atyraý áıelder kolonııasy) mekemesine qamaldy.

Sottalǵan azamatshanyń kámeletke tolmaǵan eki balasyn týystary óz qamqorlyǵyna aldy.

Eske sala ketelik, buǵan deıin Atyraýda ustalǵan jeńil júristi qyzdardyń kópshiligi Túrkistan oblysynan kelgenin jazǵan edik.



Avtor Bek Mustafa
Basty sózder: Atyraý oblysy, Qylmyspen kúres, Sot,
Joǵary qaraı